~~~~~~~~~~~~~~~~







2007年8月24日 星期五

* 旺角聲音

HK Top 10 – 旺角聲音

如果黃河是中國文化的搖籃地,
那麼旺角就是香港次文化的搖籃地。
旺角是本地人和遊客的消費購物娛樂集中地,
多人行就一定很多雜聲,
如果你身處旺角,
你閉上眼睛後會聽到什麼聲音呢?
現在就數一數在旺角最常聽到的十大聲音。

第十位「收幾多?」
旺角是一個龐大的二手買賣市場,
街邊高價回收電子產品、
先達商場有電話二手舖、
西洋菜街有「米蘭站」、「二手書店」、
信和中心有二手DVD、CD舖,
基於「需要現金周轉」或「騰出房間空間」兩大原因,
支持環保的賣家拿著用過的商品,
問二手舖店員「收幾多?」、「吓?收咁少?件貨仲好新正架!」,


第九位「係樓上咋!」
旺角開設了很多「上樓舖」,
例如「樓上燕窩莊」、「羽絨城」、
「大陸樓展銷處」、「眼鏡舖」、
「衣服Outlet」、「上樓Cafe」等等。
為了增加生意人流,
聘請中年婦人在樓下派傳單宣傳,
向路人遊說:「間舖係樓上咋!上去睇吓」!
但旺角的「一樓一鳳」有七彩光管引路,
並沒有人在樓下叫:「老細,係樓上咋!」。


第八位「粗口」
旺角砵蘭街是九龍歷史悠久的紅燈區,
開設指壓中心、公寓、桑拿浴、
麻雀館、夜總會、桌球室,等等。
不難想像在這一帶出沒的古惑仔大佬,
說話怎會不帶半句粗言穢語?
另外小巴、的士、貨van司機們、
Sales、學生、妓女馬伕、茶餐廳打躉、
食肆伙計、MK仔也是粗口的Heavy users。


第七位「平宜一點!(國語)」
2003年大陸實施CEPA後,
「自由行」成為救港的水源之一,
一批批的大陸人在旺角購物,
他們在大陸購物時習慣要議價,
所以在電器舖、小販檔、服裝連鎖店、
化妝品店、藥房、金舖、個人護理店,
都聽到自由行說:「平宜一點!」
除跟街邊小販講價外,差點連買麥當奴漢堡包時,
也想對著18歲兼職女學生說:「我買這麼多,
妳算平宜一點吧!」(設計對白)


第六位「介紹返俾你!」
西洋菜街擺設很多直銷攤檔,
流動電話、收費電視、上網服務、
健身、考車牌、減肥纖體、信用咭貸款,
推銷員一手拿傳單,
一手攔截路人,
口中諗著:「有優惠,介紹返俾你!」。
但路人的耳朵早已對這句話毫無反應!


第五位「K歌」
旺角各大商場內的店舖,
都會在營業時播放「K歌」吸引顧客,
信和、聯合廣場、兆萬、荷里活內的店鋪,
都聽到流行熱播的「K歌」(以廣東歌為主);
容祖兒、陳奕迅、衛蘭、側田、
Twins、薛凱琪、孫燕姿、周杰倫、
但永不會找到「明曲滿天星」的金曲,
從播放率可以了解時下MK少年愛聽什麼音樂。


第四位「Miss」
這裡的「Miss」並非指在學校教書的「女教師」,
「Miss」是解作小姐,但在旺角叫「小姐」容易引起誤會,
所以改叫「Miss」,既西化又可避嫌。
旺角是女性貨品的集中地。
時裝、鑽飾、內衣、
化妝品、護膚、纖體、
飾物、手袋、美甲等等。
雖然女性顧客多被稱為「Miss」,
但男性顧客不會被稱為「Mister」或「Sir」。


第三位「老細」
旺角是全港最多老細的集中地,
旺角找到不少的夜總會、桑拿、
指壓中心、卡拉OK夜總會、
一樓一鳳和馬伕流鶯,
他們都稱男性客人為「老細」,
另外,茶餐廳和平民化的食肆,
伙計於門外招客時說:「老細!幾多位?埋面坐!」。
旺角女人街和街市的小販,也是自己做「老細」,
售貨員不能減價給顧客時說:「再減價老細就炒我架啦!」
所以旺角的「老細」稠密率一定排全港頭幾位。


第二位「喂!」
旺角的人流在香港數一數二,
地鐵九鐵巴士小巴轉車吃喝玩樂,
人流多即手提電話用量亦多。
旺角街頭裡經常嚮起各式各樣的電話鈴聲,
跟著便聽到:「喂!……」
除了在街頭,旺角戲院內亦如是,
電影放映中,鈴聲嚮起便說:「喂!講得……喺戲院之嘛…」
另外,旺角的眾多風月場所,
經常有黑道人物紮馬對峙的情況發生,
雙方未交鋒前必然大嗌:「喂!咩呀!喂!……」
而旺角是旅遊區,
警方加派藍帽子巡邏,
見到可疑人物就問:「喂!身分證!」
所以把旺角「喂!」字的分貝加起,必然超標!


第一位「隨便睇!多謝哂!」
旺角是香港出名的購物總匯,
女人街小販檔、時裝連鎖店、
金舖、電器舖、電腦商場、Hi-fi店
化妝品店、書店、漫畫店、玩具店、
CD影音店、波鞋店、和各大商場內,
不管是「機械式」還是「誠懇地」,
「笑笑口」還是「木訥地」,
都一定聽到呢句「隨便睇!多謝哂!」
人流愈多,聽到這句的機會就愈多!
加上大型時裝連鎖店和個人護理用品店的售貨員訓練有素,
對有幫襯的客人當然會講「多謝哂!」之餘,
就算連無幫襯的客人都會講「多謝哂!下次再黎睇過!」
即係多謝佢肯入嚟睇(雖然今次無買嘢啫),
令到「多謝哂!」的發聲頻率急升。


除了以上十大聲音之外,
其他入選聲音包括:
例如:「電聯!」、「幾時有貨?」、「借過!」、
「啲貨新返,」、「埋鏡拼拼!」、「少甜!」、
「樓上有四仔」、「好得意呀!」、「俾件新嘅我」、
「阻你一分鐘!」、「唔該會員證!」、「正宗18歲」、
「老細,想叫啲乜嘢食呀?」、「叫半打喜力先」、
「水貨定行貨?」、「唔該俾串魚蛋我」、等等。

待續

46 則留言:

  1. 還有"待續"?果然犀利!

    應該還有"唔該借借"、"滾水" - 太多人時想行得快些使用.

    回覆刪除
  2. v
    "待續"指"旺角3部曲"還有最後一章
    叫"旺角字典"

    唔該借借 ~ 仲有聽到,
    不過"滾水" ~ 就好 old school
    好似好耐再未聽人講過

    回覆刪除
  3. b
    或者有
    "我而家喺痕身銀行攞緊信用咳, 唔趕啦, 要收線!"

    回覆刪除
  4. 我未聽過第四位「Miss」,可能因為冇人會叫我 Miss

    2008年11月29日 星期六 下午03時19分00秒 HKT

    回覆刪除
  5. 嘩!好難得可以入到頭三位,舊文都照殺呀!

    請問點解第六位「介紹返俾你!」中間要加個「返」字,而唔係「介紹俾你!」嘅呢?每次講少一粒字,一日可以慳番好多口水。

    2008年11月29日 星期六 下午04時30分00秒 HKT

    回覆刪除
  6. 嘩快啲霸番個第三先。。
    旺角都有好多車響horn。

    2008年11月29日 星期六 下午05時03分00秒 HKT

    回覆刪除
  7. 我现在买东西, 会讲: 「金融海啸哦, 平D啦!」

    成功将一件长袖丝质+线 mix and match 上衣由HK$350 讲到HK$300成交.

    2008年11月29日 星期六 下午07時37分00秒 HKT

    回覆刪除
  8. 我想講「唔該唔要聞到臭豆腐味啊!」
    依家旺角好臭啊!

    2008年11月29日 星期六 下午07時46分00秒 HKT

    回覆刪除
  9. 有Miss咩?

    有第6都算!繼續寫。。。

    老細,我唔係老細。


    >>佚名

    好耐無見喇!最近點呀?

    2008年11月29日 星期六 下午10時15分00秒 HKT

    回覆刪除
  10. lo哥:
    無嘜點啊,天氣有點凍
    我睡了,晚安^^~

    2008年11月29日 星期六 下午10時44分00秒 HKT

    回覆刪除
  11. 其實,我好怕嘈,係旺角會受唔住刺激,又會覺得自己好似大鄉里出城。印象最深刻,係影碟鋪震耳欲聾嘅電影播放。

    卡卡,我幾經辛苦,先撲到最後一塲嘅飛。
    你要繼續爆笑!

    2008年11月29日 星期六 下午10時55分00秒 HKT

    回覆刪除
  12. >>paris
    我諗我要用你個扑喇,我好快去paris...

    >>佚名
    早抖…… 瞓覺?!咁早?!

    2008年11月29日 星期六 下午11時15分00秒 HKT

    回覆刪除
  13. try your best Car Sir!!

    from剛欣賞完ewww7的小觀眾

    2008年11月29日 星期六 下午11時59分00秒 HKT

    回覆刪除
  14. try your best Car Sir!!

    from剛欣賞完ewww7的小觀眾

    2008年11月29日 星期六 下午11時59分00秒 HKT

    回覆刪除
  15. try your best Car Sir!!

    from剛欣賞完ewww7的小觀眾

    2008年11月29日 星期六 下午11時59分00秒 HKT

    回覆刪除
  16. try your best Car Sir!!

    from剛欣賞完ewww7的小觀眾

    2008年11月29日 星期六 下午11時59分00秒 HKT

    回覆刪除
  17. ==Lo哥,歡迎來訪!
    巴黎這城市,有人愛有人恨,都很主觀吧。視乎我們遇到什麽人什麽事。
    祝你有個愉快假期!

    2008年11月30日 星期日 上午12時16分00秒 HKT

    回覆刪除
  18. 卡臣 提到...
    笑聽

    香港興架!
    叫所有女性做「miss」

    +++++

    歪歪

    唔知點解?
    我聽親都係「介紹返俾你!」

    你入三位?
    我仲開心過你

    +++++++

    eric

    英國無咁crazy吖?

    2008年11月30日 星期日 上午01時28分00秒 HKT

    回覆刪除
  19. 卡臣 提到...
    小瓶子

    我相反喎:
    我现在买东西前, 会問自己: 「金融海啸哦, 都係睇定平D再買啦?!」

    +++++

    小佚
    >依家旺角好臭啊!
    還有香煙和廢氣

    ++++++

    lo哥

    上海有地方似旺角嗎?


    小佚是未夠20歲之小妹妹
    人地早睡
    你唔好帶壞人


    去巴黎公幹呀?
    勁羨慕!

    ++++++

    巴黎

    多謝妳支持
    最後一場
    我會出盡全力
    盡力...唔好出錯啦
    記得唔好柴我台呀!

    +++++

    ewww7的小觀眾

    多謝你支持先!
    失禮哂!

    2008年11月30日 星期日 上午01時41分00秒 HKT

    回覆刪除
  20. >>巴黎旅客

    haha.. 我好鍾意去trip... 可惜$$$ =.=; 不過我好憎yahoo!屈我register ><;

    >>卡臣

    後生真好. 真好. 有時都幾想噴返幾兩血出來...

    2008年11月30日 星期日 上午01時48分00秒 HKT

    回覆刪除
  21. lo哥

    你上之去完環境較差的山水後
    今次去法國
    玩得開心!

    後生?...好遙遠啊

    2008年11月30日 星期日 上午11時38分00秒 HKT

    回覆刪除
  22. 卡臣,
    影左張相送比你呢位九龍人,仲有...張相拍攝地點正正就係......旺角...請笑納^^!

    2008年11月30日 星期日 下午12時02分00秒 HKT

    回覆刪除
  23. 『唔知點解?
    我聽親都係「介紹返俾你!」』

    連你咁博學多才都唔知點解呀,如果下次你去旺角仍然聽到啲推銷員咁樣同你講,可唔可以問下佢點解要加個「返」字响中間?

    你版頭幅相應該用張「坐無虛設」嘅相嚟配合你最新嘅演出,依家呢張「空無一人」睇落有啲陰森。

    2008年11月30日 星期日 下午12時31分00秒 HKT

    回覆刪除
  24. 呢篇簡直極品。

    我等左好「」耐喇,「」「」「」「」。


    仲有:

    「啱唔啱啱吖平啲俾你啦,無所謂!」

    「新貨,擒日啱啱返!唔買無㗎喇!」

    「邊度造?美國牌子啦總之 ...」

    「係,嗱你吖識貨啦,買唔買多個?」

    .....仲有西洋菜南街唔知典解成日會有 Show Girls...

    仲神奇嘅係,一有 Show Girls 突然出現;又即刻會有一班人「竟然」係有齊相機專業拍攝,隨時話有就有喇。

    2008年11月30日 星期日 下午05時10分00秒 HKT

    回覆刪除
  25. lo哥:
    早抖…… 瞓覺?!咁早?!
    -->係啊!琴晚早訓d,今晚遲返d先

    卡臣:
    小佚是未夠20歲之小妹妹
    人地早睡
    你唔好帶壞人
    -->哦,我都會夜訓ga



    後生真好. 真好. 有時都幾想噴返幾兩血出來...
    -->做咩要噴血?噴左會後生d ga?

    回覆刪除
  26. ...
    仲有...35蚊1000分鐘包埋隧道費!

    講真旺角真係好多人同好鬼嘈!

    2008年11月30日 星期日 下午10時51分00秒 HKT

    回覆刪除
  27. 終於等到今晚嘅精采演出,Bravo!
    原來除左超鬼馬勁攪笑,重好有深度、承担,諷剌時弊之餘又有教育意義!
    開塲迷李Donald同Anson兩位小朋友好啖定完全無怯場!
    歌詞改得好到肉,彈琴個位又勁!

    卡Sir個part笑到我肚痛,西裝下多塊肌肉若隱若現....

    觀眾拍爛手掌唔捨得走!

    落幕後,
    卡臣,
    下次扮乜野?

    2008年12月1日 星期一 上午12時50分00秒 HKT

    回覆刪除
  28. DENZEL

    多謝哂
    我有旺角聲音
    你有旺角影像
    勁!

    +++++

    歪歪

    >呢張「空無一人」相
    是演出preset時影架!

    終於演完!

    ++++++

    大文sir


    你一講電玩 Show Girls
    不得了
    塞到水洩不通!
    出動相機長火短火

    ++++++++


    小佚

    夜訓?
    點為之夜訓先?
    唔瞓又搞乜先?

    lo哥噴血?
    可能打錯
    應該是「充血」

    +++++

    自由

    嘈雜地方小心銀包啊!

    ++++++


    巴黎

    衷心多謝妳嚟睇啊!

    迷李Donald同Anson兩位小朋友
    增添我們於後台很多笑聲
    因為他們實在太可愛!

    呢種教育劇場
    戲劇原素輕啲
    對知識渴求的觀眾來說
    可以說是上一課公民教育

    car sir....喺妳面前講英文
    真令我羞愧

    下次做乜?
    我都唔知
    下年話俾妳知

    再度多謝妳有心!

    2008年12月1日 星期一 上午09時54分00秒 HKT

    回覆刪除
  29. 『呢張「空無一人」相
    是演出preset時影架!

    終於演完!』

    你依家終於演完,應該可以鬆一口氣喇啩,咁你會唔會整返張「全場爆滿」、「坐無虛設」嘅相放响版尾呢?

    2008年12月1日 星期一 上午10時14分00秒 HKT

    回覆刪除
  30. - 阿卡你咪客氣啦,大家舊街坊。
    - Carsir d 英文,仲好睇過楝篤笑!
    - 歪歪妹, 琴晚真係爆呀!而且大部份觀眾笑得好大聲、又不時叫encore。

    2008年12月1日 星期一 上午11時00分00秒 HKT

    回覆刪除
  31. 歪歪

    謝幕時沒有相機喺身
    不能影下「全場爆滿」的相片
    可惜~~

    ++++++

    巴黎

    老街坊,
    多謝妳

    叫encore?
    咁堅?

    不過謝幕時一齊打拍子
    又幾開心嘅!


    歪歪是男不是女啊

    2008年12月1日 星期一 上午11時22分00秒 HKT

    回覆刪除
  32. 大文兄講得arm ar,
    一定要講下每逢show girls出現一定長短火cannon 5D配備專影心口既一眾疑似專業攝影師...

    我又寫番一篇講旺角SIN~~~

    2008年12月1日 星期一 下午12時31分00秒 HKT

    回覆刪除
  33. 多謝街坊改正!
    真係!人老左,開始失憶!
    歪歪賢兄弟,你唔會怪我嗰可?
    塊手寫板老化,成日寫錯字!俾佢激死!

    2008年12月1日 星期一 下午01時06分00秒 HKT

    回覆刪除
  34. 篤撐

    好呀
    你寫MK
    寫吓啲MK仔MK妹
    期待中

    ++++++

    巴黎

    手寫板壞咗?
    點信妳呀!
    妳係唔會讓自己寫錯字嘅
    i know you no wrong word
    car sir

    2008年12月1日 星期一 下午01時24分00秒 HKT

    回覆刪除
  35. 仲有 [埋黎睇,埋黎揀]....

    其實有冇架,我斷估咋!


    仲有 [靚仔,靚女]...

    頂,七八十歲阿公阿婆都俾人叫靚仔,靚女,濫到吖!

    2008年12月1日 星期一 下午01時52分00秒 HKT

    回覆刪除
  36. 卡臣,都話老街坊啦,真係明白我,我賴塊手寫板之嘛!
    我地連生日都同月份,爭少少你都係處女 座。

    流浪,我都頂唔順d人係唔係都濫叫靚仔靚女,好假啫!
    不過,我會真心叫你型男!

    2008年12月1日 星期一 下午02時20分00秒 HKT

    回覆刪除
  37. 雄兔腳撲朔
    雌兔眼迷離
    兩兔傍地走
    安能辨我是雄雌

    巴黎旅客,其實有時連我自己都攪唔清楚㗎。

    2008年12月1日 星期一 下午02時38分00秒 HKT

    回覆刪除
  38. 歪歪兄弟:
    都係怪我唔好,亂咁叫妹妹!
    聽朝會唔會清楚d?

    2008年12月1日 星期一 下午04時21分00秒 HKT

    回覆刪除
  39. 『聽朝會唔會清楚d?』

    呢樣要到時先知,不過如果仲係唔知嘅話我就會問下卡臣,因為佢次次都搶住嚟答,一定好清楚我嘅身份,希望佢唔會點我啦。

    2008年12月1日 星期一 下午04時35分00秒 HKT

    回覆刪除
  40. 係囉,一於問卡卡,佢最鬼馬!

    2008年12月1日 星期一 下午05時29分00秒 HKT

    回覆刪除
  41. 卡臣:
    夜訓?
    點為之夜訓先?
    唔瞓又搞乜先?
    -->一、兩點,有時係hea hea就到ga la

    lo哥噴血?
    可能打錯
    應該是「充血」
    -->可能係叉電,我都要
    所以要早訓

    2008年12月1日 星期一 下午09時09分00秒 HKT

    回覆刪除
  42. 巴黎

    我諗歪歪
    有男的硬件
    也有女的軟件

    +++++

    小佚

    我打錯字
    是「充電」不是「充血」

    2008年12月1日 星期一 下午10時47分00秒 HKT

    回覆刪除
  43. 『我諗歪歪
    有男的硬件
    也有女的軟件』

    你勢利過人哋隔山打牛,我條命俾你呢三言兩語就道破咗,真係好過睇心理醫生。

    我終於可以同阿爸阿媽解釋,點解我細個嗰陣想著住裙去玩超合金。

    原來因為我既有少男嘅衝動,又有少女嘅矜恃,唔怪之得我响發育期有咁多煩惱。

    仲有我依家人到中年嘅惆悵,都係皆因我集合咗中女狼虎之年嘅胃口,但又偏偏撞正麻甩佬嘅男人最痛,你話死未!

    睇嚟到我年老嘅時候,我就會有維園阿伯嘅萌塞固執,兼夾街市阿嬋嘅婆媽囉嗦。

    你話我幾大劑,請問高人我有乜解救嘅方法呀?

    回覆刪除

LinkWithin

Blog Widget by LinkWithin