~~~~~~~~~~~~~~~~







2008年4月18日 星期五

爛 gag 十個

爛gag十個 (舊文重溫)

新年流流,香港求得下簽,等我講吓爛gag,沖喜吓先!

原文:

和朋友晚飯席間講起爛gag,
收集一些爛gag跟大家分享。
注意:這些爛gag不是本人原創,
冤有頭債有主,
請你們的噓聲不要對錯目標:

(一)
僱主:「請你講吓你嘅優點,」
見工者:「我識四國言語、兩個master三個PHD、做過跨國集團CEO個人助埋…」
僱主:「咁又請你講吓你嘅缺點,」
見工者:「我鍾意講大話。」

(二)
問:「今晚我哋放工一齊返大陸玩!」
答:「好呀!」
問:「記得護照喎!」
答:「吓?過關唔係用護照,用回鄉証架!」
問:「我話互照:即係『互相照應』呀!」

(三)
問:「你估熊貓一生之中,最想做乜嘢呢?」
答:「係替自己影一張彩色相片!」

(四)
問:「26個英文字母當中,邊兩個英文字母最唔聽話?」
答:「係『E』同『C』;因為EC難教(伊斯蘭教)。」

(五)
問:「第一屆奧林匹克運動會每項賽事有乜特色?」
答:「每項賽事嘅冠軍,都會自動刷新成為世界紀錄!」

(六)
問:「鄭秀文最唔捨得邊個人呢?」
答:「許志安呀?」
問:「錯!係你爺爺!」
答:「吓?鄭秀文唔識我爺爺喎!」
問:「鄭秀文唱:『♬我捨不得你 yeah~yeah♫』(我捨不得~你爺爺)!」

(七)
問:「市面上有咁多間減肥公司,用邊間shop減肥一定可以保證100%有效呢?」
答:「保證100%有效?唔知喎!」
問:「呢間Shop係Photoshop!」

(八)
問:「有一班童黨鐘意圍揪弱者,以多欺少!依家呢班童黨面前有三個目標:藍精靈、比卡超、Keroppi;佢哋會郁邊一個先呢?」
答:「藍精靈!因為藍精靈係迷幻藥物!」
問:「錯!答案係Keroppi(綠色青蛙),因為『綠野仙縱』(綠嘢先摏)!」

(九)
問:「邊個女藝人個仔,你一掂佢,你就會無好下場呢?」
答:「嘩!咁惡?張栢芝個仔呀?」
問:「錯!答案係謝安琪(洋名Kay),政府都話:『掂過Kay仔,無好下場』!」

(十)
問:「真正嘅天空之城,猜香港地方名?」
答:「流浮山?天水圍?」
問:「錯!係:堅尼地城(堅嘅離地之城)。」

延續重溫:爛 gag


90 則留言:

  1. 呢篇文真係好貼題,因為真係好爛。

    我唸起 【香港八幾】裡面果個陳積果種 feel....

    爛得好完美,爛中帶稀爛,稀爛當中有一種人生哲學咁能樣。

    回覆刪除
  2. 爛中作樂!都幾過癮!
    爛爛地笑吓自己笑吓人嘛!

    回覆刪除
  3. aiya!!!好鐘意"鄭秀文爺爺"嗰個!!我會同人講,然後自已狂笑,其他人唔笑,得我自己笑(都慣啦。)

    細個嗰時,我阿哥對住阿媽:「妖!」阿媽:「死仔講粗口?」阿哥唱:「若你心多麼困"擾"~」(記唔記得隻歌呀? 陳曉東-瞭解你的所有)

    回覆刪除
  4. snowysoso
    妳鐘意就最好啦!
    爛gag好笑之處不在內容,
    而在講者和聽眾的態度.
    都係果句:爛中作樂!

    ps
    喂!妳身處何州何省呀?

    回覆刪除
  5. 有個小朋友係咁將牛油扔落街.
    阿媽問佢做乜?
    小朋友答:老師教
    老師今天教butterfly
    所以butter可以fly的!

    回覆刪除
  6. 許志wrong
    多謝提供.

    有個3歲細佬仔, 望著36樓窗外講:伯伯您好"
    阿媽見到36樓窗外無人,
    好驚咁問阿仔,同邊個講緊嘢?
    仔回答:"太陽伯伯"

    回覆刪除
  7. Bravo~
    爛gag其外,金玉其中!

    回覆刪除
  8. TV 廣告: 小學生給老師駡,他話"先生話 ...", 老師問:"邊個先生?", 他答:"橙汁先生話."

    還記得去年我曾說過的"雲起道"?

    回覆刪除
  9. 老公問老婆:老婆去邊度旅行好呀?

    老婆: 羅馬囉。

    老公:點解羅馬既?

    老婆:羅馬!

    老公:好咩?去第度唔好咩?

    老婆:....呵...廣告話,老公錫老婆,老婆話去..羅馬...都要去嘛...



    ...&*#!%$..X..Y

    回覆刪除
  10. I like 橙汁先生
    hey Carson, 我身處全球最多敵人嘅US。
    你個名, 我首先唸起”車神”,但其實係 "車仔"wo.
    陳大文英文名如果叫 Diamond Chan會唔會更加受歡迎呢?

    回覆刪除
  11. snowysoso 提到... 陳大文英文名如果叫 Diamond Chan會唔會更加受歡迎呢?


    哈哈哈哈哈! 全場最勁的gag!

    回覆刪除
  12. Diamond Chan...

    都好喎...


    一o黎呢,我銀行存款超過 $5000,唔駛俾銀行 charge,無欠信用卡數...仲有幾丫歲人....仲.....

    真係好 Diamiond 既其實....


    ******

    我唸,我係時候網上搵張勁英既男子相,仲要游水 look 勁太陽油果隻,貼在 Face屎Book, o拿,錫泳利都 add 左我喇,爭在張暈艷同張胃遲嗟,咁我應該再進取 d ,多 d 勁女 Face屎 friend 至得喎。

    回覆刪除
  13. vincent,
    "雲起道"= 暈喺度!

    回你一爛 gag:
    蕃茄媽媽帶著蕃茄仔行街.
    蕃茄仔墜後, 蕃茄媽媽叫佢"catch up!"
    蕃茄仔最後變成"ketchup!"

    回覆刪除
  14. Snowysoso
    哈哈!
    爛gag之王的名欽, 我相手奉上!
    diamond Chan 襯哂佢呢名鑽石王老五啦!
    絕!

    回覆刪除
  15. 小妮,
    鑽石陳..無懈可擊!
    facebook俾女士狂add啊!

    回覆刪除
  16. 講真,在中國人社會,【鑽石王老五】呢句野,真係可圈可點.....

    唔知係可喜可賀、定係得啖笑。

    回覆刪除
  17. 嘩! 成點幾, 你地仲唔訓嘅? 我lunch break la. =D

    回覆刪除
  18. 有問題!
    僱主:「唔…咁又請你講吓你嘅缺點,」
    見工者:「我鍾意講大話。」
    若見工者是大話精, 佢話自己鍾意講大話,咁其實背後的真話應該是..."我唔鍾意講大話". 咁佢之前話自己的點點點即係??
    哎呀!真的頭昏腦脹了...

    回覆刪除
  19. 我都有個唔知爛唔爛的gag ,中學做sales散工時學的:
    sales: 老闆, 個客問有冇折...
    老闆: 你話俾個59折佢啦!
    sales: 咁多呀! (心諗:個折頭咁濕碎?)
    老闆: 即係唔x 折呀(粗口)!

    回覆刪除
  20. 叫 陳大文 Diamond 咁唔吉利...

    你哋諗吓 Die Ah Man!
    咪即係咒佢死!啋!

    呢個夠爛嗎?

    回覆刪除
  21. 白雪嫂嫂,
    (Snowysoso)
    我通常香港時間午夜1點就訓.
    老人家, 唔敖夜咁多!

    妳往在花旗國呀!
    好呀!空氣好啲,居住地方大啲,
    個天藍啲,少啲八卦雜誌,多啲人睇書.
    女士咀miu miu少啲.

    回覆刪除
  22. 大文兄,

    ”【鑽石王老五】呢句野,真係可圈可點.....”
    你咪當爛gag, 聽吓就算,
    唔好認真.

    好回番個爛gag先:

    問:點解”小紅帽”個胸咁平架?
    答:因為佢個”奶奶”俾狼食咗!

    回覆刪除
  23. sava
    正所謂:”爛gag就是爛gag ”
    妳一用邏輯去諗爛gag,
    咁就失去爛gag的意義!

    妳個gag,oh! sorry!
    應該係妳說的爛gag,好掂喎!
    好!回一個:

    問:〔先天〕係與生俱來的天份.咁〔後天〕係乜?
    答:〔後天〕係the day after tomorrow.

    回覆刪除
  24. 歪歪,
    講得好!

    回一個給你:

    A:你老豆食飯,你阿媽食麵,咁你食乜?
    B:食粥,
    A:錯!係食屎!(錦鯉食屎)

    回覆刪除
  25. 李超人都要到雜貨店買日常用品點解.................................................................................................................................................................................................................................................................................................................................................................................................................................................因為佢只係黃老太,緊係去買平野,唔通幫超市買咩.......咁貴 !!!!

    回覆刪除
  26. 天線阿波羅

    講起李家, 我都有個李家爛gag

    有一日,小超人叫佢個伙計去買信報返嚟,
    結果佢個伙計就成間信報報館買咗返嚟.

    回覆刪除
  27. 問:廣東出冬瓜,廣南出南瓜,廣西出西瓜,咁廣北出咩呢?
    答:廣北出聲[講不出聲(同音)]

    回覆刪除
  28. rachel,
    多謝先!
    回gag
    問:5個男人,猜一文具
    答:文件夾:file(5佬)

    回覆刪除
  29. 等我記住先,下年過年問你攞利是果陣唔該問番呢條問題丫,嘿嘿....

    回覆刪除
  30. 陳大文:喂!卡臣好有 $$$ 喎!

    卡臣:why?

    陳:你好惦米啦!

    卡臣:really? @@...?

    陳:嘿嘿,卡臣,卡中之神嘛,周身都係卡,仲唔惦米? 信用卡呀!

    卡: ......%^#@!^&XY~


    ( 正宗爛 gag ~ 爛得o黎好爛... )

    回覆刪除
  31. A :星期日邊度最多賓賓?

    B: 中環啦 ~

    A :哈嘿,梗係菲律賓最多賓賓啦!

    B :╭∩╮(︶︿︶)╭∩╮...~

    回覆刪除
  32. 大文兄,
    ( 正宗爛 gag ~ 爛得o黎好爛... )
    好!我挑戰你老哥!

    問:檸檬最怕乜嘢生果?
    答:柑!因為”柑桔檸檬”(柑會拮檸檬)

    回覆刪除
  33. rachel
    sorry!我算到妳今年內成親.
    所以明年我封利是無妳份!

    回覆刪除
  34. 大文兄
    卡神有乜用?
    盞周身債,俾人上門淋油,
    逼住著草,

    你就唔同啦,我稱你做〔do神〕!
    睇你喺hana嘅留言
    就知道你叫do神,當之無愧!
    你對性的了解,博大精深!
    如果你係實戰派就更令我敬重!

    大家有興趣,可以去睇吓今期”夕陽西下”(主頁有連結)有莫大禆益!

    回覆刪除
  35. 在維園。

    A伯:同一個蛋撻,董建華同彭定康有咩分別?

    B伯:一個中國人一個鬼佬囉。

    A伯:嘿嘿,彭定康係表演吃蛋撻;亞董係...【 叫佢  撻啦!】

    __________________

    電台主持 A: 高官退休後去晒大財團做野,咁葉劉應該做邊行好呢?

    嘉賓 B :保安公司啦梗係。

    主持 A :哼!梗係清潔用品公司啦, sell 高效能掃把嘛!

    觀眾: (︶︿︶)╭∩╮"~

    .....

    回覆刪除
  36. 大文兄!
    哈哈!叫阿董吔撻!!哈哈!

    + + + + + + + + +

    阿明每次帶女朋友返屋企見父母,
    阿媽第一時間拉阿明入房說:佢個樣唔得,飛咗佢啦!
    如是者, 幾次之後,
    朋友教路, 叫阿明搵一個樣似佢阿媽嘅女朋友.

    結果,阿明帶一個樣似佢阿媽嘅女朋友返屋企見父母,
    今次母親點頭滿意.
    阿爸突然拉阿明入房說:佢個樣唔得,飛咗佢啦!

    回覆刪除
  37. 我又試...聽回來的

    男孩紅著臉,結結巴巴地說:"我們做朋友吧,我愛上妳了!"

    然後男孩一臉期望地望著女孩。

    女孩笑笑回答:"好吧,你要聽 3個字的漢語還是8個字母的英文?"

    男孩略一心算,馬上笑容滿面:"英文吧!"

    女孩紅唇輕吐:"I am sorry !"

    回覆刪除
  38. vicky
    嘩!妳講笑話都好似寫愛情小說咁,
    咁多心理描寫, 勁!

    回妳一個:
    問:張祟德同張祟基仲有個大佬, 叫乜?
    答:張祟肯(張祟+肯德基)

    回覆刪除
  39. 鐘意熊貓想拍彩色照那個!

    嘩!今晚D會員吾同晒...平時果班吾見晒?
    連Daimond兄都坐左咁耐...我係未去錯地方?

    回覆刪除
  40. 我投"綠嘢先摏"一票! 好正呀卡Sir! =)

    回覆刪除
  41. "問:「26個英文字母當中,邊兩個英文字母最唔聽話?」
    答:「係『E』同『C』;因為EC難教(伊斯蘭教)。」"

    有冇搞錯!話我難教?

    回覆刪除


  42. 留意:是(舊文重溫)
    2008年4月
    果陣時 Diamond Chan & Snowysoso是常客


    ++++++

    c+

    >>「綠嘢先摏」變奏版本:

    朋友用DVD錄電視節目
    之後遺失咗
    ==>「錄嘢失踪」

    ++++++

    EC Life

    哈哈
    sorry

    咁邊兩個英文字母最鐘意travel?
    =EC
    Easy Come easy go

    回覆刪除
  43. 我投photoshop一票! 要幾正有幾正~
    學曾江話齋: 得o左!

    嘩...d爛gag好精彩!

    回覆刪除
  44. 哈哈,一朝早就可以笑吓,真好!

    我係爺爺呀,边個唔捨得我?

    回覆刪除
  45. 自由

    >>我投photoshop一票! 要幾正有幾正~
    唔好給藉口自己, 繼續減肥!

    +++++

    校長

    >>我係爺爺呀,边個唔捨得我?
    除了鄭秀文外
    眾女讀者都唔捨得你呀!

    回覆刪除
  46. 卡sir:

    >唔好給藉口自己, 繼續減肥
    發o下夢都得卦! 咁早叫醒我~~~

    回覆刪除
  47. 嘩嘩 冇上線一日
    排第52!


    借問聲
    「綠嘢先摏」點解?

    我鍾意熊貓爛gag。

    *****
    學生最唔鍾意食乜野魚?

    東星斑! (Don't 升班)

    回覆刪除
  48. 自由

    >>發o下夢都得卦! 咁早叫醒我~~~
    妳去完首爾
    吃了太多
    是時候減肥了!

    +++++

    巴黎

    >>「綠嘢先摏」點解?
    : 綠嘢 = 綠色的東西(指Keroppi)
    : 先 = 首先,優先
    : 摏 = 打
    = 先打綠色的東西

    多謝提供

    回妳一個:

    那個國家人民不上網曷犯法的?
    拉姆安拉 (拉無online)

    ++++++

    denzel
    你笑得開心, 我就開心

    回覆刪除
  49. >>妳去完首爾
    吃了太多
    是時候減肥了!

    多謝你既溫馨提示!! 我諗photoshop 都幫我唔到呀!!

    回覆刪除
  50. 都唔係好爛gag者,我有笑架
    留意入面都有好多爛gag

    回覆刪除
  51. 自由

    >我諗photoshop 都幫我唔到呀!!
    唔會嘅!
    我啲相都係用photoshop嚟換身
    效果真係唔錯!

    ++++

    小佚

    >>都唔係好爛gag者,我有笑架
    妳乖啦
    肯笑當鼓掌

    ++++++

    desertfox

    笑暈?
    保重身體
    肋骨好番未

    +++++++

    小豬

    >>雖然重貼,再睇都覺得好笑!

    真係「笑完可以再笑」?

    回覆刪除
  52. 初初以為網頁出錯,原來是舊文重溫,呢篇真係要重溫,真係好鬼死鍾意你寫呢啲嘢,即係仆街(請重註解)得嚟好應棍,而應棍得嚟又好回味,回味當中又真係咁都俾你諗到。


    註:『仆街』一詞並非貶義,而是類似『好能過癮』、『好能抵死』,令人心裡陰陰嘴笑的感覺,係好複雜嘅一種情緒嚟嘅。

    回覆刪除
  53. 我地又嚟比對一下,2008年四月嘅留言,同而家又有咩唔同,印象中卡 Zen 曾說過,再早以前看卡 blog 的人,又是另一班人,不知怎解唔見晒,現在又嚟對比一下。

    回覆刪除
  54. 那我是新血來,這裡巳成卡叔天地...正話去劈酒呀...好彩功力深厚沒比人打低!

    回覆刪除
  55. >>真係「笑完可以再笑」?

    你竟然用問號!你唔信我(咁低B?)定唔信你自己呀? 哈哈

    回覆刪除
  56. 我諗係得小佚啫,佢係我乖孫嘛!

    回覆刪除
  57. 大文sir

    首先祝你大哥今天生日快樂!
    今年你賺多得!
    身體健康!

    一年之後
    留言朋友們變了
    證明我....「易呃新客,難留舊客」
    哈哈!
    觀眾眼睛是雪亮的!

    +++++



    >去劈酒
    唔叫埋我?
    不過我未夠18歲
    都係唔去得

    回覆刪除
  58. 卡小弟,你乖啦劈酒好兇險架...!哈哈下次請你劈合桃糊...ok

    回覆刪除
  59. 小豬

    >>我用問號,因為....我打錯標點符號咋!sorry 呢

    +++++

    校長

    得一個咁少
    好多女士反對緊喎!

    2 dream...唔好打我呀!

    回覆刪除


  60. >>劈合桃糊?
    玩骰盎?
    咁顛?
    真係要劏啦!

    回覆刪除
  61. 劈合桃糊...咁型?

    不如劈『益力多』啦!


    飲!飲呀,隊呀 ~~~~~ 發你個財財....飲呀 ~~~


    ( 劈蒙牛好啲,刺激啲...)

    回覆刪除
  62. 實情劈老火湯好呀!有益養呀娘又開心...用中式公雞碗...發你個財財一定中...哈哈好水滸feel呀!

    回覆刪除
  63. 大文sir

    >>劈蒙牛咁激?
    都係劈yoyo奶好啲


    ++++



    >>用中式公雞碗...發你個財財一定中...
    北角渣華道街市大排檔有!

    回覆刪除
  64. 我地又嚟比對一下,2008年四月嘅留言,同而家又有咩唔同,印象中卡 Zen 曾說過,再早以前看卡 blog 的人,又是另一班人,不知怎解唔見晒,現在又嚟對比一下。

    再下一次又唔知會變咗啲咩人出嚟呢?

    回覆刪除
  65. 呢啲爛 gag 真係百聽不嫌,擺多幾年再腐爛啲都仲得。

    仲有,當日睇你响『聖誕交叉扑』嘅『帶妳見我父母吖!』嘅時候覺得咁熟口面,又醒唔起响邊度睇過,依家睇翻先知係出於呢度。

    回覆刪除
  66. ERIC

    >>再下一次又唔知會變咗啲咩人出嚟呢?
    呢個係~一個謎~~


    +++++

    歪歪

    你真挑通眼眉!

    下年...你仍喺度啩?!

    回覆刪除
  67. 『下年...你仍喺度啩?!』

    今日唔知聽日事,最好都係活在當下。

    爛 gag 之中,「玩食字」係常見嘅一種,亦接近以前所謂嘅「捉字蝨」。我就曾經見過有人將「捉字蝨」寫成「捉痔塞 」,我好相信寫嗰位並唔係响度「玩食字」!

    回覆刪除
  68. 歪歪

    >>「捉字蝨」寫成「捉痔塞 」
    哈哈
    我笑咗成分鐘!
    多謝

    回覆刪除
  69. 嘩...卡臣大戰陳大文呀.....

    我都有:

    Q:去小明屋企禁極門鐘佢都唔開,最後講左一句乜小明先去開門?

    A:『我來自得成!』


    Q:豬肉榮賣豬肉,菠菜蓮賣菠菜;咁衛蘭賣咩?
    A: My love My fate

    Q:鯊魚食左紅豆會變咩?
    A:紅豆{沙}

    Q:檸檬最怕咩生果呢?
    A:柑 ( 柑檸檬 )

    Q:小明自己做暑期作業,第二日,佢死左 , 點解 ?
    A:因為自作業,不可活。

    Q:如果有日你同你女友分手 ...因為佢移情別戀,同個醫生拍拖你好鐘
    意你個女朋友...咁你就日日都送左一樣野比個醫生!!希望醫生可以
    離開你個女朋友咁係咩牙??
    A:蘋果 ?( 一日一蘋果 .... 醫生遠離我!! )

    Q:有咩動物係會撕死條鰻魚呢?
    A:蛇 ?( 佘詩曼 )

    Q:話說清朝時 , 慈禧太后一直都想長生不老
    於是命人研製長生不老的靈丹 ,卻失敗。後來有個外國使者帶埋長生不
    老的靈丹拜訪, 慈禧太后就問佢靈丹用乜整 ge,咁你估佢點答 ?
    A:佢話「 LONDON BRIDGE is falling down (for 靈丹)! 」

    Q:1隻雞, 1 隻鵝,1 隻鴨..分 3支汽水點解分唔勻?
    A:婀娜多姿 ( 鵝?多支)

    Q:魚旦粉有魚旦 , 牛腩粉有牛腩 ... 咁咩野粉有雪糕呀?
    A: Seven? (7-11)

    Q:小明綠燈過馬路,點解最後比車撞死 ?
    A:明明綠燈轉眼變成紅燈 ........

    Q:巴斯光年殺左條龍 , 後世人幫佢改左個花名..知唔知係咩?
    A:{撒龍巴斯}

    Q:流星花園首主題曲叫流星雨,咁陶大花園首主題曲係乜呀?
    A:{陶大宇}

    Q:咩動物識桌球 ?
    A:鷹 ?( 英式桌球 )

    回覆刪除
  70. 嗰位人兄咁慘要去「捉痔塞」你仲笑足成分鐘,真係無同情心。

    回覆刪除
  71. 卡臣:
    妳乖啦
    肯笑當鼓掌
    -->但真係好笑
    仲有一個笑既原因,咁都俾你諗到呢個爛gag!

    爺爺:
    我諗係得小佚啫,佢係我乖孫嘛!
    -->有個好爺爺,所以有個乖孫:P

    回覆刪除
  72. JC

    嘩!多謝哂!
    笑死我
    尤其是:靈丹/紅綠燈
    正!!!

    ++++++

    歪歪

    嗰位人兄唔係你咪得囉
    吓?
    唔通我講錯?!


    +++++++

    小佚

    >>-->有個好爺爺,所以有個乖孫:P
    所以妳倆有我呢個好讀者!!


    ++++++



    對呀!
    Jc 好嘢呀!

    回覆刪除
  73. 『嗰位人兄唔係你咪得囉
    吓?
    唔通我講錯?!』

    多謝你咁關心,我唔係『嗰位人兄』,只係俾佢嚇親嘅讀者。

    回覆刪除
  74. 卡臣部主尊鑒

    下期題是?
    發報日期?

    祈待熱切....

    粉絲3耳拜啟.

    回覆刪除
  75. 嘩, 各位承讓喇, 我都係聽埋聽埋抄低咋...

    我睇到:『我來自得成!』次次都好好笑囉

    回覆刪除
  76. 笑聽

    >>我睇到第八個先笑
    ==>都好過睇完十個都唔笑!
    多謝!

    +++++

    歪歪

    講吓笑啫!
    你身體強健
    心身康泰
    龍精虎猛
    健康愉快!

    ++++++

    聶 尊鑒

    新文:今晚925
    hk top 10!

    我才是妳的粉絲

    卡卡拜啟


    +++++

    JC

    妳造福我哋
    為人民服務
    人民不會忘記妳
    請受我一拜!

    回覆刪除
  77. 今天心情本來麻麻,好多謝你既爛gag,令我笑了十聲.

    回覆刪除
  78. 卡兄, 你太客氣喇, 你既文筆又何嘗冇令到我等blog民回味無窮。能與君搭訕果真有趣,
    請受小女子一拜~~~

    well, 十分期待貴作呀.

    回覆刪除
  79. 阿瓦

    能夠帶笑聲給妳
    是我的榮耀

    ++++++

    JC

    妳都好玩得啫!
    回拜一吓

    回覆刪除

LinkWithin

Blog Widget by LinkWithin