~~~~~~~~~~~~~~~~







2009年10月5日 星期一

《無聊死火令再現》


《無聊死火令再現》
《無聊死火令》都有人睇,乘勝追擊,加料完成《無聊死火令再現》,都係超級無聊。仍然都係嗰句:如果 閣下不是處於無聊的心理狀態之下,請勿閱讀。

* * * * * * * *

第十一篇
李先生用了半生積蓄,作為他一生人首次置業。李先生心儀將軍澳某新豪宅,他因應自己的供款能力,決定買樓花。一年後終於等到新樓盤正式落成,他興奮地去收樓。原來所謂的「豪宅」,其實是座落於垃圾堆填區、沼氣排放設施、污水處理廠旁邊。單位內十分狹窄,用料和設計跟售樓書所寫的是兩回事。李先生遷入後,發覺左鄰右里都是三山五嶽,品流複雜。李先生半生的豪宅夢,就這樣被戳破了。
好!故事講完了。
呢個故事叫:豪宅好窄好雜好渣


第十二篇
100磅的Susan當街哭起來,她的男友剛宣佈跟她分手,因他另結新歡。新歡是一個僅90磅的少女。Susan最初以為自己100磅已不算肥,但原來還有瘦身的必要,為了跟其他女生競爭,她帶著傷痛的心情去瘦身中心減肥。
好!故事講完了。
呢個故事叫:Susan傷透心想瘦身




一名少女model簽了唱片公司,轉投樂壇做偶像歌手。因她未受過樂理聲學的訓練,唱live時經常走音,公司經理人安排她跟歌唱老師學唱歌。但她天資有限又唔肯用功。學了幾個月後,她到商場唱商場Show,她的fans到場打氣。她感謝眾多知音對她不離不棄,應承會繼續努力。用心地演唱一曲,怎料力不從心,歌曲的震音部分,又被她唱到走音;只好尷尬苦笑遮醜。她又在討論區遭網民狠批,但她覺得有noise總好過無noise吖!
好!故事講完了。
呢個故事叫:知音前震音轉走音


第十四篇
香港旺區的強力霓虹燈,把晚間的都市照得如白晝一樣。雖然環保組織提出節約能源,但耗電量高的霓虹牌仍然燈火通明,一名環保人士在銅鑼灣街頭拍下短片,拍攝霓虹燈閃呀閃,五顏六色的光束。他打算把這景象上載到網上,呼籲香港人把燈光調暗或早點關燈。
好!故事講完了。
呢個故事叫:閃燈食電嘥哂電


第十五篇
某夜店門外結集一大班潮男型女。因為經濟唔好,該夜店經營者為了刺激消費,搞了很多主題派對,但入場率仍然不高。最後他決定搞一個promotion,收一個入場費後,當晚全場酒水任飲!結果引來大班客人,一條長龍排隊等入場。場內男女瘋狂劈酒隊酒,你出酒我出命,求個酩酊大醉,暫時忘卻日間所面對的痛苦和失落。

呢個故事叫:排隊入派對劈隊


第十六篇
Gary拿著火機和香煙,搭liftoffice樓下抽煙,Garyheavy smoker,以前他在office想抽就抽。他以為辦公室實施全面禁煙後,自己可能會去戎煙。但他發覺禁煙後,一班同事便定時定候、自動自覺到樓下抽煙,來來回回可以增加偷懶時間,返工轉眼lunchTea後轉眼便放工。他決定取消戎煙的念頭。
好!故事講完了。
呢個故事叫:禁煙竟然無咁易戎煙


第十七篇
Jimmy跟朋友去睇一套舞台劇,該瘋狂喜劇標榜「高頻率笑位」。該導演相信香港觀眾抗拒高深,消費者俾了錢,最緊要可以笑餐飽。結果散場後,朋友問Jimmy該劇如何?Jimmy批評此劇只為了製造笑位而賣弄爛gag,沒有主題內容或任何訊息,而且那些爛gag都是十分難明的。堪稱一套爛劇。
好!故事講完了。
呢個故事叫:爛劇多難get的爛gag


第十八篇
導演嗌:「Action!」電視節目主持人便開始唸對白。今天女主持在品嘗海味,大讚手中筷子夾著的蠔士仍然好有蠔味!她未把蠔士放入口,已經向鏡頭,七情上面,大嗌:「嘩!好好味呀!」導演滿意地收貨,嗌「cut!」女主持立即反眼,扔低筷子,並吐出口裡蠔士。
好!故事講完了。
呢個故事叫:海味有蠔味好好味


第十九篇
酒店自助餐廳內一名燒烤師傅,他的工作是把海鮮燒熟後供客人享用。他今年58歲,剛在大陸娶了一個22歲的老婆。她單程來港定居,以為老公大把錢,只懂消費吃喝玩樂,燒烤師傅把每月大部份薪水奉獻給太太揮霍,不知是火爐大煙還是心有鬱結,他眼睛被煙出的淚水,沿鼻尖滴落爐邊,引起輕微的「渣」一聲。
好!故事講完了。
呢個故事叫:師傅燒seafood呻辛苦


第二十篇
接近深夜時分,演唱會散場,Zoe在人群中趕去巴士站,她在紅館剛欣賞完演唱會。現今歌手搞演唱會,著重大堆頭大製作,要在11:55分前散場,不需罰錢之餘觀眾又覺得抵睇。當晚,過場又多又長:包括歌手真情剖白,請觀眾上台合唱、表演高難度動作、煙花激光爆破、舞台效果玩水玩火玩電。但歌曲反而唱得很少。仲搞到臨12時才散場,Zoe由紅磡趕回天水圍,明早還要晨早返工,巴士站的人龍的確很長。
好!故事講完了。
呢個故事叫:過長個唱多過場少歌唱



Co-written by 卡臣 & 大隻權
好!故事講完了。
第十三篇

29 則留言:

  1. 覺得「爛劇多難get的爛gag」叫「「爛劇爛gag多難get」、
    「海味有蠔味好好味」叫「蠔味海味好好味」過癮D 。 =)

    回覆刪除
  2. 卡臣:
    死火令有苦有甜,人生就是如此。

    回覆刪除
  3. 等我爆個內幕比大家知,
    呢度咁多個爛 gag 都係我同卡哥吹......










    水時吹出來o既。

    回覆刪除
  4. 佚名

    除咗苦同甜,仲有鹹同辣~

    ++++++

    阿權哥

    你喺度爆料!
    我哋喺gym男更衣室內吹



    頭時度出之爛gag

    回覆刪除
  5. 唉,58歲娶了一個22歲的大陸老婆,真係攞黎煩,咪搞我!

    回覆刪除
  6. laulong

    「真係攞黎煩,咪搞我!」<---22歲靚女喎,身材正喎,係咪真係唔要? 身體是誠實的.

    +++++

    浪子

    我唔勁~


    +++++

    南蠻人

    好橋口?
    因為佢係「死火令」
    唔係講笑架!

    回覆刪除
  7. 「58歲娶了一個22歲的大陸老婆」

    卡臣:

    根據日本的研究,男的大過女的十八年以上,男人中馬上風的機會,大了數十倍。

    「他眼睛被煙出的淚水,沿鼻尖滴落床邊,引起輕微的「渣」一聲。」跟住七孔出血!
    你是指他在床上嗎?

    嘻嘻!

    回覆刪除
  8. 武林聖火令 一出鬼神驚

    無聊死火令 一出笑不停

    上一個留言打錯字,唔好意思。

    回覆刪除
  9. 歪歪

    好句好句

    無聊死火令 睇到頭擰擰

    回覆刪除
  10. 無聊死火令 一出笑不停

    將個笑字轉調由S變D,都得。(我代樓上嗰位vvip講。)

    回覆刪除
  11. 唔好嫌舊啦,鬼叫我經歷過80年代咩!

    回覆刪除
  12. 歪歪

    我無嫌舊呀, 讚添呀
    大家都對80年代有感情

    那時候的鹹片,e.g. 性莫停, 小試多滋味, 逢門今始為君開,...好文藝呀

    回覆刪除
  13. 阿卡臣个脑点解装左甘多古仔架?
    重好诙谐个只添,唔怪得甘多fan屎咯!
    哈哈哈哈哈---------

    回覆刪除
  14. helloninie

    我沒有fans呀
    他們(包括妳)賞面才來看
    我多謝大家才是

    妳有無睇part one《無聊死火令》呀?
    一click就睇到啦

    回覆刪除
  15. 寫左架啦?不過呢類爛野我相信你隨口都出到幾篇啦

    回覆刪除
  16. 卡臣:

    我仲寫漏一句,師傳殆於金槍不倒!嘻嘻!

    回覆刪除
  17. naruto

    「隨口都出到幾篇啦」

    咁又唔得喎,隨口嗡?
    都要度架!

    +++

    佛爺


    咁慘

    回覆刪除
  18. 我嗰晚行行下銅鑼灣,唔知點解之後坐咗船去尖沙咀,然後見文化中心場表演好似唔錯就買咗即場飛。哩,我就坐喺第三層左手邊呀~

    呢個故事叫:「流離浪蕩去睇 show」

    回覆刪除
  19. largeheadboy

    多謝你咁捧場
    我從naruto那blog留言知你有到
    我都有向上層揮手架

    呢個故事叫:「多謝多次嚟支持」

    回覆刪除

LinkWithin

Blog Widget by LinkWithin