~~~~~~~~~~~~~~~~







2010年7月16日 星期五

胎Story

photo by Clinton

胎Story

Carman緊張地聽醫生的報告:她的丈夫因交通意外,變成植物人,丈夫甦醒的機會極微。Carman聽後,掩面流淚,實則心裡鬆了一口氣,如釋重負。

* * * * * *

九年前,Carman嫁給大學教授Roy,兩人住在九龍塘大學教職員宿所內。Roy教經濟學,年紀大過Carman十年。性生活平淡,兩人婚後沒有孩子。

四個月前,Carman在瑜珈班結識了一名有型外藉教練,兩人打得火熱。兩個月前,Carman發現自己懷了外藉教練的骨肉。Carman不能夠把BB屈作是Roy所出,因為她生出一個金髮藍眼的嬰兒,很難解釋這是基因特變所造成。Carman十分煩惱,因為她十分喜歡小孩子,不想打掉,也戀棧丈夫的經濟條件生活。

* * * * * *

三天前的晚上,Roy在高速公路上,遭醉酒駕駛司機迎面相撞,炒成兩堆廢鐵。Roy腦旱細胞受創,變成植物人,在深切治療部留醫。Carman趕到醫院,表面上十分傷心,實則有點欣慰,肚中BB的問題,竟然找到曙光。只要Roy一死,自己便順理成章承繼遺產,跟教練一起生活。

這個早上,Carman去聽醫生報告,醫生認為病人有98%機會不能甦醒。醫生建議觀察多三天,如果情況無變,家人同意之下可以拔喉,把Roy的器官捐贈其他有需要病人,Carman忍痛同意。

* * * * * *

過了兩天,Roy仍然靠維生儀器吊命。這個早上,Carman要到中環婦科診所,替BB檢查。穿上一身紅裙的Carman,心情輕快,十分風騷。她檢查完畢後,坐在沙發上等待取安胎藥和等待付款。

紅裙笑臉的Carman,見到身旁坐了一個黑裙苦臉的少女,Carman一時好奇,竟然主動撩黑裙少女傾偈,問她有什麼苦惱事情?

少女自稱做Daisy,她對陌生人有點芥蒂,唔多想講。Daisy反問Carman點解咁開心?Carman見大家萍水相逢,下一分鐘後,可能兩人呢一世都不會再相遇,竟然大膽起來,把背著丈夫懷了教練BB的事情,告訴給這個陌生人。

Daisy聽罷Carman的故事後,戒心少了。Daisy見大家萍水相逢,下一分鐘後,可能兩人呢一世都不會再相遇,竟然大膽起來,把自己的事情告訴給Carman。

Daisy是大學某學系的Admin助理,懷了一名有婦之夫的BB,而BB父親幾天前遇上交通意外,變了植物人。Daisy決定打掉胎兒,今天來診所進行墮胎手術前的最後檢查。

Carman聽後,眼睛碌大一吓,突然留意到Daisy手上戴著的Tiffany白金手鍊,竟然和自己手上的手鍊,一模一樣,都是去年Roy到美國公幹時買回來的手信。

Daisy望到Carman留意自己的手鍊,Daisy也不其然望返Carman的手鍊,嘩!兩條手鍊一模一樣,Daisy立即明哂,兩個女人妳眼望我眼,我眼望妳眼,空氣凝固了。

僵局終於打破了,護士叫:「梁少芳!」Daisy說:「輪到我啦,拜拜。」便起身行入醫生房。Carman亦付款離開診所,她在升降機內,心裡揪著。自己背著Roy懷了他人的BB,原來Roy也背著自己搞大別人個肚,都唔知邊個負邊個啦?

* * * * *

Carman步出商業大廈,戶外34度的高溫,灼熱的太陽,曬到中環的馬路瀝青也快要溶化了。Carman的手提電話響起,Carman接聽,是醫院的女護士打來:「李太,恭喜妳,李先生奇蹟醒返,妳快啲趕嚟醫院啦!」

吓?咁大鑊?!僅僅嗰2%的可能性竟然會發生?Carman在高溫下,感到一陣暈眩,頭昏腦脹。
Hidden Track:
Carman在高溫下,感到頭昏腦脹,聽完電話後,迷迷茫茫行出馬路中心,被一個索K的士司機猛力撞倒,捲入車底,拖行幾米。Carman和Roy被安排安葬在一起。Roy一直沒有甦醒過來,那個醫院護士的來電,其實是Daisy擠聲假扮的。她是學系的Admin助理,手電存有Roy太太的電話號碼(因為in case of emergency,Admin需要通知其家人)。Daisy知道Carman對Roy不忠後,突然產生正義感起來,決定打呢個電話整蠱Carman,算是替Roy出一口氣,怎料惡作劇釀成Carman遇上交通意外,非Daisy意料所及。如今Carman和Roy逝世,Daisy的胎兒亦打掉,教練繼續溝其他女學員;一切恩恩怨怨告一段落。世界仍然如常向前轉動。

* * * * * *

Alternative Ending By C Man

Carmen 猛然醒來, 打電話番診所, 話係屋企打嚟搵daisy.

本來醫生係10分鐘前準備同daisy 做手術,當姑娘同daisy 講述有關手術受既風險, 就係簽字前既一刻, daisy 諗諗下好唔安樂, 亦好唔捨得打掉愛人唯一既血脈. 就同醫生講: 對唔住, 我想再考慮清楚先做手術.

醫生見怪不怪, 同daisy 講: 你要考慮就快啲, 遲左就做唔切架啦.

當daisy 埋去登記處比埋診症費時, 姑娘一聽個電話, 就比左daisy, 話你屋企人急事搵你.

daisy 大驚, 無理由婆婆會知我去落仔, 仲識打嚟添?

daisy 狐疑地拎起聽筒, carmen 就同佢講: 你未做手術吖嘛? 我係carmen. 你落0黎樓下starbucks, 有事想同你商量.

原來carmen 唔捨得富貴生活, 年紀又成35歲, 想有bb唔係易事, 但生左出嚟紅鬚綠眼, 百詞莫辯喎. 諗起daisy 咁蹺竟然係個死佬既情婦, 仲要有埋bb, 睇佢一身H&M 就知佢生活都只係麻麻地唔落仔可以點呢?

carman靈光一閃, 不如嚟一招狸貓換太子, '合法'地陀仔, 生左出嚟先! 最多個死佬一好番啲就埋牙做番次, '合埋'地有bb, 之後用daisy 個bb頂包, 個死佬就算同呢個bb驗DNA都包無出事!

carman同佢講, 佢好同情daisy, 而且仲要陀住佢唯一既既骨肉, 不如你賣個仔比我, 等佢有好既生活, 同時我安排你去外國生活,好唔好?

daisy 十五十六, 眼看面前既carmen 保養得宜, 身光頸靚,十分羨慕. 但daisy 亦唔係省油既燈, 反問carman: 你又唔係無bb, 要我個bb做咩先?

carman 淡淡然話: 你估你係佢唯一個女人咩? 我要個bb, 就係要佢令我合法咁拎佢份遺產, 其他人點分都分唔到! 你生左個仔出嚟, 你有錢同我打官司, 分身家咩?

而家我係比多條路你行, 見你咁後生, 去到第二度過新生活, 總好過係香港捱成世都買唔起樓好吖? 我唯一既條件只係, 我個仔會交比你托管, 你要好好地對佢, 到佢廿十歲, 我就會接佢番嚟.

daisy 討價還價: 好, 我屋企無人無物, 只有一個婆婆, 我要同埋佢一齊去外國!

carman: ok, 但我要你呢個星期之內同婆婆去台灣先, 到個bb出左世, 我就同你地攪移民.

就係咁,兩女就合作交換bb計劃.

carman 去到醫院, 阿roy已經醒咗, 但就行動遲緩. carman 喊住同佢講, 我好驚你有事呀, 你有事, 我點算? 尋日有個女人打嚟講三講四呀..嗚..我咩都唔理啦, 你醒番就好喇..

roy 見老婆梨花帶雨, 想起當初兩夫婦都甜蜜過既日子, 但自己係出面竟然有個女人, 對佢唔住,老婆仲咁擔心自己,真係唔係人.

roy: 無..無事嘞...唔好喊嘞...

過左2個星期, roy 出院.

阿roy 將自己有婚外情既事同carman 講咗. carman 扮柔弱, 阿roy 心痛萬分, 發誓唔會有第二次, 亦將電話號碼改埋.

carman 鬆一口氣. 猜度如何令計劃順利完成...

* * * * * *

兩個小寶寶,未能投胎來到這世間,一嚐人間的大千世界,十分可惜。但來不了也未嘗不是一件好事。呢個世界已經好污煙獐氣,妖氣沖天,如果無乜必要就唔好嚟啦。

For your babies – Simply Red

You've got that look again
The one I hoped I had when I was a lad
Your face is just beaming
Your smile got me boasting,
my pulse roller-coastering
Any way the four winds that blow
They're gonna send me sailing home to you
Or I'll fly with the force of a rainbow
The dream of gold will be waiting in your eyes

You know I'd do most anything you want
Hey I, I try to give you everything you need
I can see that it gets to you
I don't believe in many things
But in you I do

Her faith is amazing
The pain that she goes through contained in
The hope for you
Your whole world has changed
The years spent before seem more cloudy than blue
In many ways your baby's controlling
When you haven't laid down for days
For the poor no time to be thinking
They're too busy finding ways

You know I'd do most anything you want
Hey I, I try to give you everything you need
I'll see that it gets to you
I don't believe in many things
But in you I do

You know I'd do most anything you want
Every day I, try to give you everything you need
We'll always be there for you
I don't believe in many things
But in you I do

30 則留言:

  1. 卡臣:

    最後一句笑死我。「呢個世界已經好污煙獐氣,妖氣沖天,如果無乜必要就唔好嚟啦。」

    卡臣,你的文字通常都說教,今次咁現實?哈哈哈!

    回覆刪除
  2. 佛爺

    「呢個世界已經好污煙獐氣,妖氣沖天,如果無乜必要就唔好嚟啦。」
    ==>呢一句都係說教:
    如果你/妳無信心在妖氣沖天的世界中教好孩子, 就請不要帶他到這世界受罪
    句號

    回覆刪除
  3. 好彩睇到你個真結局啫,我真聰明。。。

    應該整死埋daisy呀,話佢食野啃親啦

    回覆刪除
  4. 卡臣:

    係喎!我掛住笑,無諗過最後一句都係說教添!

    回覆刪除
  5. Hi, 都幾攪笑, 2%機會都醒得返。 呢d背夫背/妻偷歡事日日發生, 但攪出人命就無謂。

    回覆刪除
  6. simply red, 我第一次接觸好似係198x年, for your babies, 好似係紅色封面, 我買左日本版 !!

    回覆刪除
  7. 丈夫交通意外,變成植物人,實則心裡鬆了一口氣,Carman呢種心理令我毛骨悚然,佢最後得唔到想要嘅BB同外藉教練,仲成為咗陪葬品,唔通係阿Roy出手?

    回覆刪除
  8. naruto

    你一向叻架啦
    你有做偵探之潛質
    對細節有好奇心

    整死埋daisy?
    不如叫daisy跟瑜珈教練搭上
    再重複ROY 和 Carmen 的命運
    宿命呀

    ++++

    佛爺

    你咪咁謙啦
    我知你一早睇到

    +++

    瘋go

    2%都醒返
    只有小說才可以發生

    搞出人命又真係幾煩
    停停要諗真

    +++++

    小妮子

    Simply Red 乃80年代之英國勁旅
    我也很喜歡啊

    +++

    篤篤

    for your babies
    應該輯在1992年stars那張大碟中
    即是藍色星夜耶張

    +++

    歪歪

    carmen煩惱問題的關鍵
    就是名roy
    所以roy一昏迷(死)
    carmen應該有如釋重負之感
    問題在於「道德」上
    因為有人死而開心
    又真係幾心寒

    咦?你都睇到結局喎
    細心!
    神推鬼撞
    應該係roy出手了







    ++++

    回覆刪除
  9. daisy懷嘅係鬼胎,出世就食左阿媽,渣都無呀!哈哈哈~

    回覆刪除
  10. naruto

    good idea喎!
    突然想起周秀娜擔正之電影「惡胎」

    再來一個陰陽路version先

    回覆刪除
  11. 以前903 Wyman的個人音樂時段,在節目最後的一首必定係呢首,由初初無乜感覺,最後越聴越喜歡。

    回覆刪除
  12. Tee

    多謝資料提供
    我就無乜印象啦

    可能果個時段唔聽收音機

    回覆刪除
  13. 『carmen煩惱問題的關鍵
    就是名(有)roy』

    我認為Carman煩惱問題的關鍵係有咗個混血胎兒,而唔知點樣同Roy交代係唔想失去咗個米飯班主,否則佢早就可以棄夫,唔駛煩惱點去解釋。

    『咦?你都睇到結局喎』

    其實原本個結局多啲想像空間,因為仲會諗Carman最後點同阿Roy交代,而你呢個Hidden Track就帶嚟一個終結。

    個結局又或者可以係Roy醒返,Carman坦白認錯,阿Roy覺得執返條命不計前嫌,原諒Carman,仲一齊養混血。

    回覆刪除
  14. 更正:

    個結局又或者可以係Roy醒返,同Carman自首自己去滾,之後Carman又坦白認錯,阿Roy覺得執返條命不計前嫌,原諒Carman,仲一齊養混血BB。

    回覆刪除
  15. 歪歪

    你的分析咁仔細
    指出問題的關鍵
    好嘢

    我同意open ending給大家多點空間
    寫得不要太死
    所以我用了hidden track
    有緣者(如你)咪看到我寫的結局
    無緣者咪自己發揮想像空間
    講緣份囉

    你的結局唔錯喎
    happy ending
    寬恕好重要呀

    回覆刪除
  16. 胎 story ! 哈~~~哈~~
    混亂世代, 出世唔知係好事定壞事 lu~~~

    回覆刪除
  17. kateyip

    胎story?
    太正啦~
    食字一流
    立即借用
    唔客氣啦!
    多謝哂

    回覆刪除
  18. Carmen 猛然醒來, 打電話番診所, 話係屋企打0黎搵daisy.

    本來醫生係10分鐘前準備同daisy 做手術,當姑娘同daisy 講述有關手術受既風險, 就係簽字前既一刻, daisy 諗諗下好唔安樂, 亦好唔捨得打掉愛人唯一既血脈. 就同醫生講: 對唔住, 我想再考慮清楚先做手術.

    醫生見怪不怪, 同daisy 講: 你要考慮就快d, 遲左就做唔切架la.

    當daisy 埋去登記處比埋診症費時, 姑娘一聽個電話, 就比左daisy, 話你屋企人急事搵你.

    daisy 大驚, 無理由婆婆會知我去落仔, 仲識打0黎tim?

    daisy 狐疑地拎起聽筒, carmen 就同佢講: 你未做手術ar ma? 我係carmen. 你落0黎樓下starbucks, 有事想同你相量.

    原來carmen 唔捨得富貴生活, 年紀又成35歲, 想有bb唔係易事, 但生左出0黎紅鬚綠眼, 百口莫辯wow. 諗起daisy 咁蹺竟然係個死佬既情婦, 仲要有埋bb, 睇佢一身h&m 就知佢生活都只係麻麻地唔落仔可以點呢?

    carman靈光一閃, 不如0黎一招狸貓換太子, '合法'地陀仔, 生左出0黎先! 最多個死佬一好番d就埋牙做番次, '合埋'地有bb, 之後用daisy 個bb頂包, 個死佬就算同呢個bb驗DNA都包無出事!

    carman同佢講, 佢好同情daisy, 而且仲要陀住佢唯一既既骨肉, 不如你賣個仔比我, 等佢有好既生活, 同時我安排你去外國生活,好唔好?

    daisy 十五十六, 眼看面前既carmen 保養得宜, 身光頸靚,十分羨慕. 但daisy 亦唔係省油既燈, 反問carman: 你又唔係無bb, 要我個bb做咩先?

    carman 淡淡然話: 你估你係佢唯一個女人咩? 我要個bb, 就係要佢令我合法咁拎佢份遺產, 其他人點分都分唔到! 你生左個仔出0黎, 你有錢同我打官司, 分身家咩?

    而家我係比多條路你行, 見你咁後生, 去到第二度過新生活, 總好過係香港捱成世都買唔起樓好ar? 我唯一既條件只係, 我個仔會交比你托管, 你要好好地對佢, 到佢廿十歲, 我就會接佢番0黎.

    daisy 討價還價: 好, 我屋企無人無物, 只有一個婆婆, 我要同埋佢一齊去外國!

    carman: ok, 但我要你呢個星期之內同婆婆去台灣先, 到個bb出左世, 我就同你地攪移民.

    就係咁,兩女就合作交換bb計劃.

    carman 去到醫院, 阿roy已經醒左, 但就行動遲緩. carman 喊住同佢講, 我好驚你有事呀, 你有事, 我點算? 尋日有個女人打0黎講三講四呀..嗚..我咩都唔理啦, 你醒番就好喇..

    roy 見老婆梨花帶雨, 想起當初兩夫婦都甜蜜過既日子, 但自己係出面竟然有個女人, 對佢唔住,老婆仲咁擔心自己,真係唔係人.

    roy: 無..無事la...唔好喊la...

    過左2個星期, roy 出院.

    阿roy 將自己有婚外情既事同carman 講左. carman 扮柔弱, 阿roy 心痛萬分, 發誓唔會有第二次, 亦將電話號碼改埋.

    carman 鬆一口氣. 猜度如何令計劃順利完成...
    c man~

    回覆刪除
  19. 哈~~~ 好開心呀!!!! 返黎一睇,個名咁熟既! 開心~~開心~~
    越來越鍾意 !

    回覆刪除
  20. C Man:

    我真係見過有個咁既女人,比錢個二奶同佢個仔離開自己的老公。但個男人堅持要享齊人之福,結果離了婚!她自己移民了!

    回覆刪除
  21. c man

    多謝哂喎
    咁好心機構思多個結局

    合化地有bb
    好計喎~~

    ++++

    kateyip

    多謝妳冠名就真!

    +++

    佛爺

    有錢人都多女黐埋去
    我永遠沒有這種煩惱

    回覆刪除
  22. 卡臣, 多財同多才, 都有女黐埋去架 !
    你可能習慣左唔覺啫~~ 你問下你老婆覺唔覺啦~ 哈 !

    回覆刪除
  23. 好正嘅新名同好曲節嘅Alternative Ending,令呢個故事更精彩。

    回覆刪除
  24. 知驚啦咩?!?!! 哈~~~
    咁驚就唔知好過知啦~~~ 搞到家變就唔好啦~~

    突然覺得呢個故仔, 自己有份咁呀 !!! 哈!哈!

    回覆刪除
  25. 睇完卡臣既提示, 即刻睇番個 hidden track, 呢個結局真詭異,更估唔到.

    不過,我又覺得,有時好多人會將d 唔想做既野推去咩緣份,命運... 且看, 原本朦朦查查既我miss 左個 ending, 終於人為下,又可以睇到...所以唔好咩都講緣份,命運...人為都好緊要.

    係呀~~ 卡臣既故仔真係感動到我...好多野都想講出黎...
    會唔會有朝一日,可以响書局揾到卡臣既作品呢 ?

    回覆刪除
  26. 歪歪

    你以前都幫我寫過alternative ending
    一樣精彩!

    你遲啲記得再幫我寫呀!

    ++++

    kateyip

    胎story
    當然妳有分啦

    睇到完滿ending啦!
    係呀
    人為因素重要
    真係提吓好啲
    否則少人會察覺到

    出書?
    暫時無機會呀
    唔緊要啦
    而家係要做靚模
    先出到書

    回覆刪除
  27. 睇完"紅山塔牌香煙", 真係好感人, 仲發人深醒添~~~
    寥寥數百字, 就可以喚醒別人對其他人既關心, 有筆鋒呀 !
    繼續睇埋其他....

    回覆刪除
  28. kateyip

    紅山塔香煙<---我本人幾喜歡架
    真係寫到自己都眼濕濕呀
    陰公~~

    回覆刪除

LinkWithin

Blog Widget by LinkWithin