~~~~~~~~~~~~~~~~







2010年12月15日 星期三

《無聊死火令重臨》

《無聊死火令重臨》

聲明:以下十段是非常無聊,它不是「急口令」,而是描述一個「死火或弊家伙的處境」的「死火令」,加起來便是「無聊死火令」,跟「武林聖火令」並無任何關連。

請大家做好心理準備,唔怕無聊嘢,就可以繼續睇落去。

* * * * * 

第一篇
Laura是一名身材出眾的19歲靚模,她為了搏宣傳和製造曝光,不請自來到明光社主辦的「道德重整論壇」踩場。身穿前後低V的Laura,露出好深的波罅和籮罅。Laura一步入會場,立即遭到參與的衛道之士破口大罵。

好!故事講完了。
呢個故事叫: 「Laura露罅露籮攞嚟怒鬧」


第二篇
近年興起的3D電影,大受歡迎。無論是動畫還是真人演員,都利用3D技術。3D電影一上映,觀眾爭相入場。感官上獲得新刺激,打破以往2D電影觀看模式。

好!故事講完了。
呢個故事叫: 「快啲睇3D feel到free啲」


第三篇
某工程承建商決定今年涷薪,員工對於公司在有盈利情況下仍然拒絕加薪,堅絕不能接受。並發動罷工,勢必影響工程完工日期,引致公司承受延期罰款。公司最後讓步,一律加薪5%,員工同意復工,加緊進度完成工程。

好!故事講完了。
呢個故事叫: 「公司施軟功叫員工快些完工」


第四篇
一班黑社會成員,向警方申請「洗底」,重新做人。警方竟然誤將該批前黑社會成員的私人資料,外洩到互聯網的分享軟件上。洗底人士遭警方無意起底,十分後悔當初相信警方,唔洗底好過洗底。

好!故事講完了。
呢個故事叫: 「黑底兄弟過底後一起被起底」


第五篇
風水輪流轉,港客參加旅行團到廈門旅行,遇上當地惡導遊強迫港客參加自費節目,否則將團友留在停車場內。就算導遊出言恐嚇,港客仍然毫不理會,當導遊亂講嘢順口雌黃。團友把恐嚇片段上載到youtube,把該旅行社列入黑名單,其他客人不敢光顧。

好!故事講完了。
呢個故事叫: 「港客唔理講嚇定講吓盞趕客」


第六篇
i-Phone 5快將公開發售,馮小姐,英文名叫Ivy,跟朋友一窩蜂出i-Phone 5。但需要在開售天前一晚到專門店徹夜排隊輪候,12月的寒夜裡,馮小姐抵著冷風排隊,終於讓Ivy如願以償買到i-Phone 5。

好!故事講完了。
呢個故事叫: 「Ivy Fung跟風出i-Phone 5捱冷風」

第七篇
大地產發展商主席劉先生,跟都市重建局合作,收購舊區的舊樓,清拆後興建起大型樓盤,提供大量單位給買家炒樓,市場氣氛十分旺盛。

好!故事講完了。
呢個故事叫: 「大劉拆殘樓起樓嚟炒樓」


第八篇
會考放榜後,成績較差的末代會考生,未能派位升讀中六,改到職業先修學院報名。由於學位有限,需要學生在學校門外通宵排隊。電視新聞記者採訪排頭位的學生,被訪學生說早已習慣了通宵瞓街排隊,唯有自娛,玩吓傾吓食吓當開街頭party囉。

好!故事講完了。
呢個故事叫: 「派位派唔到排隊排通頂當派對」


第九篇
一名患上精神病的50歲中年女士,跟年邁母親同住在屋邨單位內。深夜時分突然精神病發作,失去常性,揮菜刀將睡夢中的母親斬死。更將屍體拖入廁所內肢解,陪屍一天後發出惡嗅,由鄰居發現後,報警處理。

好!故事講完了。
呢個故事叫: 「擬似黐線師奶廁所切屍」


第十篇
香港動漫電玩節又開鑼了!招徠大批動漫電玩迷到場。一名D cup靚模出席,為某電子遊戲機作代言人。她為了出位,竟然即席抽獎送出自己的一撮頭髮。得獎者是一名宅男。在旁幾名毒男fans不滿自己無獎攞,竟然為了一束毛髮動武,大打出手,須要由護衛上前阻止,情況一度混亂。

好!故事講完了。
呢個故事叫: 「動漫迷動武為奪D cup模啲毛」




香港香港 - 陳美齡
作曲:翁家齊
作詞:鄭國江

香港我心中的故鄉
這裡讓我生長
有我喜歡的親友共陽光
路上人在跑趕呀趕
幹勁令我欣賞
這裡有許多好處沒法講

說一聲香港香港
你永遠是尋夢鄉
香港香港 你那色調難忘

山頂看小島水裡躺
處處換上新裝
看看那海鷗飛過自由港
海邊看小島穿晚裝
處處耀眼生光
這個市區的吸引沒法擋

說一聲香港香港
載有我童年夢想
香港香港 叫我不易遺忘

香港香港 載有我童年夢想
香港香港 叫我不易遺忘
香港香港 你永遠是尋夢鄉
香港香港 你那色調難忘

34 則留言:

  1. 卡臣:

    你張照片是那裡拍的?

    若果同微博相比,這篇帖也不太無聊。有意義過那些「收工」、「刷牙」、「塞緊車」、「買緊外賣」之類的廢話!

    回覆刪除
  2. 佛爺

    相片在新加坡環球片場附近World Resort Casino拍的

    我都識寫架:

    「追唔到巴士,>.<」
    「天氣冷, 穿了外套上班」
    「外賣找多錢,lucky :D」

    回覆刪除
  3. 復出正式第一篇竟然唔係小說?

    咁點解會揀香港香港?

    ps:好彩我無玩微博,如果唔係實係寫“屙緊”,“舒服哂”

    回覆刪除
  4. naruto

    是咁的:
    我09年曾停blog
    再復出時寫了「無聊死火令」
    所以今次又照板煮碗
    復出時寫「無聊死火令重臨」


    點解會揀香港香港?
    因為寫的十個香港現象.都十分具香港特色

    如果你玩微博
    先拍了自己吃什麼
    再拍消化完之後變成什麼
    好醫學性呀

    回覆刪除
  5. 卡臣:

    我中學畢業時,阿媽叫我寫兩句字,通知親戚某些事。我話唔識寫,比阿媽鬧到我翻艇,我情緒低落到不得了。後來開始寫日記,看西方翻譯小說。兩年後,我已經停寫日記,也再沒有看小說。一次旅行回來,我已經夠膽寫遊記給親戚睇。如果寫微博,「早晨」、「晚安」等,寫十年的語文能力都無改善。

    回覆刪除
  6. 你講嘅吃什麼之後變什麼,我的確同朋友講過呀

    可以當日記寫,包唔會脫稿

    回覆刪除
  7. 佛爺

    係呀
    微博紀錄當刻的心情
    下一秒心情蓋過之前的
    之前的立即變成歷史
    速度咁怏,唔講乜嘢修詞
    最緊要夠快

    +++

    naruto

    有無人會舉投你呀?
    啲相咁前衛!
    行為藝術都有個譜呀

    回覆刪除
  8. 首歌仔在回歸時聽過下,曾經好感動架。

    回覆刪除
  9. 我記得當時都有朋友話搵鬼睇呀,我就覺得百貨有百客囉

    回覆刪除
  10. eben

    我80年代聽呢首歌
    仲以為係國歌(殖民地歌)添呀

    +++

    naruto

    我睇呀!
    不如每日都影張府上廁所的照片
    睇吓有乜變化?
    好夠行為藝術呀

    回覆刪除
  11. Agnes Chan唱歌真系好好听架,可惜做左日本师奶,等我地无机会听渠唱di靓歌添,嗮晒!

    回覆刪除
  12. helloninie

    睇嚟妳身在他方
    都好清楚香港樂壇之歷史

    回覆刪除
  13. 「Laura露罅露籮攞嚟怒鬧」
    「快啲睇3D feel到free啲」
    「公司施軟功叫員工快些完工」
    「黑底兄弟過底後一起被起底」
    「港客唔理講嚇定講吓盞趕客」
    「Ivy Fung跟風出i-Phone 5捱冷風」
    「大劉拆殘樓起樓嚟炒樓」
    「派位派唔到排隊排通頂當派對」
    「擬似黐線師奶廁所切屍」
    「動漫迷動武為奪D cup模啲毛」

    無聊死火令 噏到嘴變形

    回覆刪除
  14. 歪歪

    無聊死火令 噏到嘴變形
    其實都唔明 香港咁畸形

    回覆刪除
  15. 無聊死火令 噏到嘴變形

    其實都唔明 香港咁畸形

    唔係好難明 讀完就會醒
    規矩識半成 斷估當準成
    原則當透明 睇到眼凝凝
    解釋聽唔明 驚過接兇鈴
    真理被欺凌 殺人於無影
    叫天又唔應 教我怎虔誠
    想世界和平 請看透世情
    紅酒喝一瓶 密雲當天晴
    孖精灌兩酲 蠢鈍變機靈
    醉到頭擰擰 得意更忘形
    明未中加乘







    仲有乜唔明 請你問泥濘
    最愛扮有型 講嘢無人明
    問佢咩病情 佢答骨摸擰
    被佢搞到慶 大聲爆句頂
    佢呻撈feel零 你叫我點頂
    仲話要星型 揸咪兩頭揈
    別怪我多情 齊齊性莫停

    回覆刪除
  16. 無聊死火令 噏到嘴變形

    其實都唔明 香港咁畸形

    唔係好難明 讀完就會醒
    規矩識半成 斷估當準繩
    原則當透明 睇到眼凝凝
    解釋聽唔明 驚過接兇鈴
    真理被欺凌 殺人於無影
    叫天又唔應 教我怎虔誠
    想世界和平 請看透世情
    紅酒喝一瓶 密雲當天晴
    孖精灌兩酲 蠢鈍變機靈
    醉到頭擰擰 得意更忘形
    明未中加乘







    仲有乜唔明 請你問泥濘
    最愛扮有型 講嘢無人明
    問佢咩病情 佢答骨摸擰
    被佢搞到慶 大聲嗌句頂
    係咁將佢丙 佢呻撈fee零
    你叫我點頂 仲話要聲ing
    揸咪兩頭揈 唱歌靠感情
    如果這是情 我竟不清醒
    如果已共鳴 何用太無情
    就算風已靜 熱愛不要停
    別怪我多情 齊齊性莫停

    呢個係改良版

    回覆刪除
  17. 哎吔,改漏咗係孖蒸先啱!

    回覆刪除
  18. 顛架呢度啲人
    不過唔好畀佢停~

    超鐘意 ivy fung 呀!

    回覆刪除
  19. 歪歪

    你實在係太勁勁勁勁勁啦!
    目瞪口呆~
    好嘢!

    你咁有創意 大家有眼見
    鬼馬又多變 求你寫多篇

    ++++

    largeheadboy

    睇得我的...都唔太正常:o

    ivy fung買 iphone 5
    多謝

    回覆刪除
  20. Ivy Fung 跟風 出i-Phone5 捱冷風 真发疯!

    哈哈哈~

    回覆刪除
  21. 嘿嘿

    Ivy Fung 收到風 跟風 出i-Phone5
    封路捱冷風後 快發瘋,封為瘋婦

    回覆刪除
  22. 歪歪:

    你的文采真係勁,睇到我頭擰擰。好野!兼且好有哲理性。

    回覆刪除
  23. 佛爺

    失禮哂就真
    瘋語中有哲理?
    傾佛偈咩?

    回覆刪除
  24. 卡臣:

    我覺得講得好恰當!

    我有個朋友,讀書成績仲差過我,但分析人性卻無得頂。我同佢一齊分租過房間,在他那裡學到好多野。每個人都有佢既長處。

    回覆刪除
  25. 佛爺

    因為三人同行必有我師
    所以你喜歡3P

    回覆刪除
  26. 哈哈哈~ 原来佛爷、卡臣和歪歪在(网上)玩3P!

    哇~ 嘎嘎嘎嘎~~~

    回覆刪除
  27. 嘿嘿

    佛爺直到爆架
    見到女性先得架

    回覆刪除
  28. 『你咁有創意 大家有眼見
    鬼馬又多變 求你寫多篇』

    因為啱咀型 所以咁好傾
    瘋癲我承認 難得有共鳴
    我就好高興 唔駛孤零零
    講到創意勁 點及中加乘

    回覆刪除
  29. 卡臣,你話『佛爺直到爆架 見到女性先得架』
    言下之意,你自己唔係?仲會有轉機?

    佛爺,過獎喇!學卡臣話齋『瘋語中有哲理?』

    嘿嘿,無人肯同我3P,但係想話俾你知你肚臍對落,大髀對上個支嘢好吸引!

    回覆刪除
  30. 歪歪

    無人話你怪 ideas in your mind
    寫事下百態 越寫越進階
    有料唔好嘥 寫多啲歪歪

    其實 你可以做rapper

    我轉機?
    睇吓有無轉基的轉機?都幾傳奇喎

    嘿嘿支炮仔好堅呀
    好把炮呀

    回覆刪除
  31. 如果你問我呢一世發夢都無諗過嘅職業,我可以答你rapper係其中之一。

    吓,你話人哋嘿嘿得支炮仔?

    回覆刪除
  32. 歪歪

    一於向rapper發展啦
    可能殺出一條血路

    我話:嘿嘿支炮仔得啫

    回覆刪除

LinkWithin

Blog Widget by LinkWithin