~~~~~~~~~~~~~~~~







2012年3月19日 星期一

超越時空 - 上集


超越時空 - 上集

早上八時正,鬧鐘響起。葉錦強張開眼睛,又是同一個天花板,又是同一扇小窗,窗外仰望到東半山肇輝臺的豪宅。葉錦強跟太太住在灣仔某舊樓500尺單位,睡房望到山景。

葉錦強被太太摷醒,太太嘮嘈地:「好鬼熱呀!快啲熄咗部暖爐啦!」葉錦強(洋名Danny)跟太太呂慧仁結婚三年,當初的甜蜜已經流逝,葉太被其他師奶薰陶下,經常抱怨Danny無出息,做個打工仔,住在灣仔舊樓,車都無部。葉太常常發脾氣,Danny一直採取息事寧人的態度,罵不還口。

Danny想起三年前,他曾經徘徊選擇「呂慧仁」還是「梁素儀」做老婆 ?當時呂慧仁身材苗條,人靚聲甜。梁素儀就略為圓潤,但溫柔細心。Danny最後揀了呂慧仁,貪佢身材好。

怎料婚後不久,呂慧仁走樣,體重急升,變了一個黃臉「肥師奶」,連談吐都潑辣起來。反觀梁素儀就積極起來,纖體美白,竟然「變靚哂」!這個反差令到Danny後悔不已。可惜決定已做錯了,就要付出代價。

Danny想到入神之際,被太太一嘢拍過來!「叫咗你咁耐,仲唔熄咗佢!」Danny不忿氣地伸手熄暖爐,慘叫一聲「哎呀!」原來暖爐漏電,這老爺電暖爐之前已經漏過電,不過Danny未得閒去買過另一部新的。

Danny被電暈了,當他再張開眼睛時,發現自己於黃昏時份,躺在李鄭屋公園的長椅上。Danny兒時跟父母住在李鄭屋邨,這個公園是Danny兒時常來玩耍的。

Danny發覺四周的人衣著好老土,是九十年代的「娘衫」。睇科幻電影長大的Danny眼睛睜大,猜測:「超越時空!」Danny立即在垃圾桶找報紙看,嘩!是1996年!太好了,有機會改變歷史,改變自己的歷史。

Danny立即趕回娘家,那時候屋邨只拉鐵閘,不閂木門,讓單位內更通風。Danny一手按上鐵閘,Shit!鐵閘油漆未乾,一手都是銀色油跡。

Danny隔著鐵閘觀看屋內情況,媽媽在廚房煮飯,爸爸不在,應該下班後在回家途中,十五歲的自己則坐在沙發上,入迷地打緊

Danny正想叫:「葉錦強!」怎料喉嚨發不出聲,之後發現身體開始變淡色。睇科幻電影長大的Danny,知道係時候要返回未來,心有不甘,但又想不出辦法。

* * * * * *

Danny張開眼睛,太太正用力拍打自己的臉:「捨得醒啦!你死得未呀?咪煩到我call白車呀!」Danny醒過來,嘆氣:「~唔通只係發夢?Danny被電擊後,手仍微震,往手一看,「嘩!好嘢!手有銀色油跡!我真係返咗15年前!

Danny知道「回到過去」的時間地點和方法,決定明天同一時間再試一次,一定要改變自己的命運。

* * * * * *

很快又到第二天,早上八時正,鬧鐘響起。Danny張開眼睛,第一時間伸手去熄暖爐,慘叫一聲「哎呀!」

Danny再張開眼睛時,發現自己躺在李鄭屋公園的長椅上。Danny立即彈起,做出「yeah!」的V字手勢,全速往李鄭屋邨跑去

待續

二少爺說:如果時光可以倒流,六合彩頭獎期期只分得幾十蚊都似。



超越時空 - 陳百強
作曲:Hayashi Mitsuo
填詞:盧永強

燃點了悲哀向星空裡行
人超過光速向光陰猛行
逐日逐夜地又逐格的退後
求可以找到往日您面容

時光間隙中似飛出太空
尋找每一刻眼睛不放鬆
舊事舊面貌件件亦令我激動
人仿似當天抱著你入夢

(緊緊相擁) 癡心你親手相送
緊緊相擁 我是為情重
沒有作用全沒有作用
相擁的身體已屬逝去美夢
逝去美夢曾逝去美夢
彷彿給空間禁制沒法變動
沒法變動沒法變動
今天身體您已不知所趴
不知所趴 不知所趴
狠心的拋開了我倍添苦痛

33 則留言:

  1. 哗!好睇!好紧张!又带点诙谐!阿强好野!

    500尺单位?真系一碌落床就到房门口个种咯!
    第一次去香港沙头角,睇到好细的单位仲住左3伙人家,切身感觉到香港真系寸金尺土,D居所真系好似豆腐丸甘细架!

    回覆刪除
    回覆
    1. helloninie

      明晚大結局

      香港寸金尺土,真係屋細樓價貴,不過選完新特首後,樓價應該會跌。

      刪除
  2. 故事好睇呀!

    500尺单位係實用面積的話,二人住唔細喎:p

    回覆刪除
    回覆
    1. Coffee

      嘻嘻,我知妳已看了下一集。

      500尺兩人住唔細,不過誇張太太不滿足的咀臉

      刪除
  3. 96年嘅李鄭屋,我都有經常出沒播,尤其是在李鄭屋泳池添!

    回覆刪除
  4. 下集的主題曲會唔會係許冠傑的《時光倒流》呢?

    回覆刪除
  5. 揀錯左直接離婚追梁素儀啦,攪咁多野

    ps:梁素儀同美素佳兒有無關係架?:P

    回覆刪除
    回覆
    1. 佢怕老婆點夠膽開口離婚?

      梁素儀家姐叫梁美佳,父親開奶粉廠

      刪除
  6. 細個住屋邨每隔幾年就會幫鐵閘油銀油
    畀你喚起我呢個回憶~

    回覆刪除
  7. largeheadboy

    我細個有油鐵閘,還有油鐵窗。

    回覆刪除
  8. 卡臣:

    你好野!「習性無望感」的狗隻也只是觸電也不會走,你的男主角就電完想再電,觸電也是一種「獎賞」,他肯定有怪癖,鍾意嗅天拿水,或者用剃刀刮自己支砲。嘻嘻!

    回覆刪除
  9. 娶個索女做老婆,唔夠幾年變豬婆,哩個真係值得男人去諗諗!

    回覆刪除
    回覆
    1. 其實個男人都變了肥佬麻甩佬,不過佢唔自省啫

      刪除
  10. 不想头奖,专攻二奖(好像有固定金额的)
    我反而有兴趣知道股票市场会变成怎样。

    回覆刪除
    回覆
    1. Desertfox

      我都係主攻六合彩,本少利大吖嘛。

      刪除
  11. 現實中超越時空就好唔好彩 http://www.awaker.net/?p=5307 男子被困时间漩涡出现在未来

    回覆刪除
  12. 星雲兒

    果然悲劇人物,去到未來卻死在車下,唉

    回覆刪除
  13. 『葉錦強被太太摷醒』?摷邊度會摷醒㗎?我以為通常係老公摷醒老婆。

    回覆刪除
    回覆
    1. 男人的銀包或西裝袋一被老婆摷,立即醒哂

      刪除
  14. 三年就變成咁
    可憐。。。
    上集好吸引!
    我而家即刻追大結局!

    回覆刪除
    回覆
    1. 巴黎

      三年先走樣數耐啦
      邊似妳同老爺keep得咁好

      刪除

LinkWithin

Blog Widget by LinkWithin