~~~~~~~~~~~~~~~~







2012年7月25日 星期三

颱風狂吹 誰會不動


颱風狂吹 誰會不動

懸掛八號風球,除咗有人緊守崗位,需要繼續上班。有人會到戲院或唱K,也有人會到海邊睇浪。其他人就留在家中或者安全地方。究竟大家留在家中無所事事,會做什麼渡過打風的日子呢?

第十位:執屋
平日忙到死,難得有一日可以留在家中,終於有時間可以執屋。扔舊雜誌、無用雜物、打掃一吓。執了幾袋垃圾,拿出後樓梯,才發現已經堆放了幾袋垃圾袋,原來鄰居都趁打風執屋。

第九位:執相
平日用數碼相機或電話影低好多相片,存放在電腦硬碟內唔理。其實好多相片都可以delete,趁打風日子把相薄分類及刪減一些多餘相片,騰空更多電腦記憶空間,供日後的濫拍。

第八位:烹飪
打風期間,部份食店關門,唯有留在家中煮即食麵開罐頭。也有喜歡煮嘢食的人,趁打風日子整蛋糕甜品或跟食譜烹飪,把製成品放上facebook跟朋友分享,標題是:「打風的日子裡,我煮了」。

第七位:懷舊
平日咁忙邊有時間坐低停一停、抖一抖吖?正好趁打風日子睇吓舊相片、聽舊歌、睇舊信舊咭,懷緬一吓舊日子。

第六位:掉衫
平日買衫,把衣櫃塞到滿一滿。終於可以趁打風日子,打開衣櫃審視一番,把較舊衣服抽起入袋,投進屋企附近的「舊衣回收箱」。騰出衣櫃更多空間買新衫。

第五位:上網
呢一個活動,其實跟「打唔打風」無乜關係。就算天朗氣清,人都要上網啦!不過如果橫風橫雨,就更需要依靠社交網絡聯誼,足不出戶但仍能跟朋友吹水解悶。

第四位:打機
同第五位一樣,打機跟打風其實都無乜關係,就算風和日麗,人都要打機啦!不過打機能消磨時間,打吓打吓,不經不覺已經打到乜風球都除下。

第三位:睇碟
平日在影視店買下來的影碟,因為太忙無時間睇,回家就把影碟擱在一邊。終於可以趁打風日子睇影碟。消費完該批影碟後,下次就可以再入其他新貨守門口。

第二位:瞓覺
一向睡覺不足的朋友,一知道打八號就拍爛手掌,繼續在床上昏迷落去,瞓足一日一夜補眠,人都精神啲,抵抗力強返。也不失是上帝給予世人的一項驚喜禮物。

第一位:打牌
香港人喜歡打麻雀聯誼,「打風日子打牌」是香港人的文化傳統,也是港人的核心價值。應該保育這些非物質文化遺產,窗外打風落雨,室內打牌作樂,就是咁簡單咁易滿足。


二少爺說:剛剛見識到13年來十號風球的威力。「鄧寄塵在1965年有一首《十號風波》,講丈夫因打風返唔到屋企而去搵舞女。



十號風球 張國榮

作曲 : 黃耀明、蔡德才
填詞 : 周耀輝

相信嗎 我相信愛嗎
快樂嗎 但快樂夠嗎
太熱了 太悶了 在醞釀刮風吧
低壓中 你感覺到嗎
快下雨 和誰人回家
愛是這樣盲 風眼是這樣藍 更想貪

心思一到 十號風波一掃
讓我不操縱 和誰東歪西碰
颱風狂吹 誰會不動

若我要風聲一到 十號風波一掃
願你不枯燥 和誰推測不到
颱風狂吹 誰要登陸
留在留在半路 我愛起伏

想要高 要飛到最高
要下跌 便跌落最低
我願意 你願意 在赤道誕生吧
天氣差 更需要愛嗎
正下雨 而誰人護花
美麗太困難 擁抱後太平凡 瞬息間

若我要風聲一到 十號風波一掃
願你不枯燥 誰人的訊號都可收到
颱風無意登陸 留在留在半路 我愛起伏

22 則留言:

  1. 回覆
    1. 小小小警察,這套cult 片,也是不錯的選擇啊!

      刪除
  2. 我會趁打風翻看電視台第一千零一百次翻做的"唐伯虎點秋香"...經典...keke...

    回覆刪除
  3. 大马有暴风雨没风球。
    暴风雨时行雷闪电的,我都不敢上网,雷电很猛的,曾经烧毁了我家的电视机和冰箱呢!好吓人!

    回覆刪除
  4. 我想訓晏D先起身, 七點幾醒咗, 好眼瞓, 但又要留意住幾時落波, 瞓得唔好, 仲攰咗. 所以都唔係好爽咋...

    回覆刪除
    回覆
    1. 我早上聽到話十時落八號!都沒有寄望,乖乖起身換衫。

      刪除
  5. 系Youtube到,睇到韦深特系24号凌晨开始,吹到成个香港好似只落汤鸡甘喔!个阵时你系咪同周公打紧牙绞啊?

    回覆刪除
  6. 我想打牌咯,但已經唔係廿幾年前嗰種左鄰右舍隨時揾到腳嘅年代,畢竟世界唔同了!

    回覆刪除
    回覆
    1. 我都想打呀!可惜間隔屋唔熟,驚遇上老千!

      刪除
  7. 我有十、五、二,仲有望住窗外啲雨發呆!

    回覆刪除
  8. 卡臣:

    加拿大黐線架!暴風雪警告,照樣要返工和上學。平時半小時車程,要行三個小時,仲要牙煙到死,唔知班鬼佬諗乜架???

    回覆刪除
  9. 十三年前我重係巴黎
    十三年後我遇韋森特
    成晚風聲颯颯嚇死我。。。。

    回覆刪除
    回覆
    1. 妳那裡臨海,狂風可想而知,很多豪宅都爆玻璃,嚇死人!

      刪除

LinkWithin

Blog Widget by LinkWithin