~~~~~~~~~~~~~~~~







2013年12月20日 星期五

陰陽路之《嚇鬼咩!》


陰陽路之《嚇鬼咩!》

 (這篇是新寫的)

一位新晉的香港年輕導演Julio,他正在拍攝他第一部電影《嚇鬼咩!》。

為了令電影有好成績,Julio決定用一條鬼計︰他在拍攝某些鏡頭時,叫一些「茄呢啡」在鏡頭內的隱蔽處「泣泣揚揚」。之後當電影上畫時,就叫公關放料話︰「驚人發現!那些在鏡頭隱蔽處「泣泣揚揚」的「人」,在拍攝的時候從來沒出現過!」即是話︰在拍攝時,不單止招引了一些靈體來看熱鬧,還入鏡客串一番。

這招一出,果然奏效。網上討論引來極大迴響,很多大膽又有好奇心的觀眾,真的掏腰包入戲院睇《嚇鬼咩!》,觀看那些具爭論性的靈異鏡頭。

Julio很開心,網上討論令《嚇鬼咩!》單日收得100萬票房。
可惜到第二天,《嚇鬼咩!》票房急跌。

網絡世界是沒有秘密的,有戲院員工報料︰戲院會計員發現《嚇鬼咩!》的票房結帳收到「陰司紙」。即是說︰有「靈異觀眾」用港幣購票入場,隨後「港幣」在收銀機內變回「陰司紙」。

戲院鬧鬼消息一傳出,觀眾驚身邊坐了個「堅嘢」,唔敢入場之餘,更影響到戲院內播放其他電影Houses的生意。戲院唯有立即抽起《嚇鬼咩!》停播。

Julio遭受挫敗,戲院唔播《嚇鬼咩!》,收入唯有靠出版影碟,但網上好快就有得BT,恐怕收益有限。Julio首次拍片便要蝕錢,老闆當然失望,下次唔會再投資。Julio以為出奇招,可以製造輿論,催谷票房。結果反招致損手爛腳。

Julio用「人」扮「鬼」,聲稱那些「演員」做「真鬼」,想剌激票房。

結果,有啲鬼睇唔過眼,「真鬼」扮「人」,入場做返觀眾,拖跨了票房。


二少爺說︰其實當鬼睇宗教電影時,會唔會好驚呢?

16 則留言:

  1. 卡臣:

    咁個導演個腦又慢咗半拍。如果喺我,我就會喺售票處,貼上張天師的肖象,和幾度紅字黃紙嘅符。嘻嘻!

    回覆刪除
  2. 卡臣:

    鹹相可能惹𠹺啲「鹹濕鬼」,不過就可能趕走咗啲女鬼。嘻嘻!

    回覆刪除
  3. 和尚说法,都会有好多鬼去听架!D鬼听左觉悟左,唔系就可以被带领到佢地应该去嘅空间咯!就唔使再留离浪荡,做只孤魂野鬼甘惨啦!

    回覆刪除
  4. 其實「戲院員工」嘅真正身份係「茄呢啡」,佢哋見Julio用呢招出奇制勝,自己成為「幕前功臣」,於是就叫Julio出番配角嘅人工,點知Julio唔理佢哋不特止,仲大鬧佢哋係「茄呢啡」,叫佢哋唔好咁多嘢講。

    最後「茄呢啡」諗到另到另一條絕招,就係喺網上化身成為「戲院員工」,嚟個一不做,二不休。

    Julio明知「茄呢啡」玩嘢,但係都冇計,因為一出嚟解話,就等於自己踢爆自己當初講大話,最後唯有啞忍。

    呢個故事教導大家,每一個演員對一部戲嚟講都好重要,如果導演識得尊重別人,結局就會係雙贏嘅局面。

    回覆刪除
    回覆
    1. 都話你好嘢啦,合情理,有寓意。

      最重要:貫徹我陰陽路風格:沒有鬼的鬼故

      刪除
    2. 梗係喇,我知你嘅「陰陽路」係詭故,詭異嘅故事嘛。 :)

      刪除
    3. 哈哈,果然係食字王,擺明「呃卜」都俾你話「詭卜」多謝!

      刪除

LinkWithin

Blog Widget by LinkWithin