~~~~~~~~~~~~~~~~







2014年7月11日 星期五

滅聲


滅聲

(這篇是新寫的)

北京政府爆發了一宗離撚哂譜的事情,網民在網上群起聲討,在臉書微博上強烈譴責北京政府。香港一位熱愛民主的紅歌手,不畏中央,率先在微博貼文,鬧共產黨專政。

在微博上鬧北京政府?一定被網絡管理員「河蟹」喇!歌手的貼文轉眼被刪去。歌手那肯罷休?被刪走的文章又繼續貼過,貼過又刪、刪了又貼,重複幾次後,這位紅歌手的微博帳戶「被封」。網民聲援歌手,抗議扼殺言論自由。

紅歌手的微博帳戶「被封」後,娛樂記者和港聞記者都廣泛報導。

有一位唔紅的四五線歌手叫Vincent,又想「照版煮碗」,在微博上發表反共言論,只要他的帳戶一旦被封殺,便會有娛樂記者報導他,收宣傳效果。做藝人最緊要係「識抽水」。

Vincent不斷在微博貼出反共相片短文,但奇就奇在他的反共貼文完全沒有被刪,可能因為他真的太唔出名,貼甚麼文章都無人理會。

真係同人唔同命,「被封」都要講資格。Vincent放棄,不再貼反共文。

過了15分鐘,Vincentcheck微博,好消息!自己的帳戶終於被封了!原來剛才發生網絡故障,管理員未能進行「河蟹」工作去刪文。如今網絡回復正常,Vincent現在終於可以「被封」,如願以償。

Vincent立即在自己facebook宣佈他的微博被大陸人封了,壯烈地為民主犧牲,希望有娛樂記者注意到,並加以報導。

結果呢…. 結果都係無娛樂記者報導。

Vincent灰心,自嘆有一些機會永遠都不會屬於自己的。



二少爺說︰自己選擇做雞蛋定做石牆。

21 則留言:

  1. 大陆那个网易博客最巴闭,有“人权” 、“民主”尼D字眼,就永远唔俾外人读到尼D文章。2011年我post 咗一篇 Occupy the World ,至到今日都唔俾解禁。

    回覆刪除
  2. Vincent其心不正,動機亦不良。佢為私利而反,根本唔係為真理而反,佢可以轉行搞政治喇。

    回覆刪除
    回覆
    1. 「佢可以轉行搞政治喇。」<-- 你呢句畫龍點睛,好波~

      睇新聞見到果班違背良心的妖怪.....屌!!

      刪除
    2. 乜而家良心值錢嘅咩???

      政治從來都係講妥協講利益,如果政客同你講良心,佢早就轉型去開善堂喇。

      刪除
  3. 回覆
    1. 我立即GOOGLE「我們的荊軻」,原來是一套有來頭的話劇,借古諷今

      刪除
  4. 卡臣:

    咁易出位咩?人做乜你就做乜,肯定無運行.嘻嘻!

    回覆刪除
  5. 抽水抽得多,有朝一日如果抽乾咗都唔知點算。

    回覆刪除
    回覆
    1. 政治新聞鑊鑊新鮮鑊鑊金,應該唔會乾塘

      刪除
    2. 都係架...政棍抽水技倆出神入化。無事搞事,小事化大,長做長有,應該唔會乾塘。

      刪除
    3. 港聞版的娛樂性豐富過版娛樂版

      刪除

LinkWithin

Blog Widget by LinkWithin