~~~~~~~~~~~~~~~~







2014年10月15日 星期三

再遊凱旋門


再遊凱旋門

2004年夏天,六位大學畢業生決定做「背囊友」,相約到歐洲旅行40天,他們六人是三對情侶:AndyBrendaCalvinDaisyEdwardFlora。由於他們貪心,要在40天內遊15個國家,所以每處也只是走馬看花。他們把這次旅行叫做:歐洲精華遊。

6名後生仔女,在旅途上嘩啦嘩啦:商量去什麼景點?吃什麼?住哪間旅館?討論得興高采烈。第一次去歐洲,難免得意忘形。他們6人在歐洲許多名勝古跡前,擺出各式各樣的pose,拍下許多合照及個人照片。

好景不常,在旅行途中,Andy經常跟Brenda為了雞毛蒜皮的事情爭拗,可能兩人未試過長時間相處40天,暴露彼此的性格缺點。臨尾幾天直情「吵大鑊」。每當Brenda被激到灑淚,FloraDaisy較為細路女,不懂如何處理這尷尬場面,而較為年長的Edward則充當大哥哥角色,安慰Brenda並解釋男女之間的相處之道。

歐洲之旅完結,6人回港後,踏入社會,各自找到工作。幾個月後,AndyBrenda的裂痕無法修補,因性格不合而分手。BrendaEdward訴苦,Brenda欣賞Edward內涵為人,兩人不知不覺間便開始了。

Flora鬼妹仔性格,easy come easy go,她跟Edward和平分手後,很快便在夜店認識一名男子拍拖,FloraEdward仍然保持朋友關係。

AndyBrenda分手後,Andy因為情傷而專注工作。間中雖有女性追求者,但不合他眼緣,遇上太好條件的女性,自己又無信心去追求,結果Andy沒有拍拖。而Andy慢慢「宅男」起來,把自己收起來。大學同學聚會,避得就避唔出席。大家都恍惚淡忘了Andy

    * * * *

一別十年,來到2014年夏天,Calvinfacebook發起一項event,邀請歐遊六人一起到深圳「世界之窗」作one day trip。在主題公園內的各大歐洲名勝前,擺出十年前擺過的pose來拍照,對比各人十年前後之變化,算是一個「十周年紀念」。

BrendaDaisyEdwardFlora紛紛回覆會出席。問題就是:Andy沒有facebook account,寄email又唔覆,whatsapp又唔覆,石沉大海。六缺一,總是美中不足。

        * * * *  

201469日,是他們十年前登飛機出發的日子,五人中午抵達「深圳世界之窗」,CalviniPad下載了所有舊合照,五人睇完舊相後便照板煮碗,十年前的感覺和味道,又再次湧現出來;大家都恍惚年輕了十年。

不過每張相中,Andy的位置總是掉空,Calvin安慰大家他會用photoshop執番Andy入相中。Brenda為此有點內疚,原來Andy十年來也不能放下這段舊情,耿耿於懷。

傍晚時份,太陽斜照之時,六人都十分喜愛的一張十年前大合照,就是六人於黃昏時分站在巴黎鐵塔前拍的。此刻natural lighting啱哂,相機腳架set好,五人站好位置,等待相機的timer自動快門。五人你眼望我眼,雖然今天玩得好開心,但大家總覺得欠缺Andy,心想如果Andy都能出現在這照片中多好!「咔嚓」數碼相機拍下五人若有所失的神情。

「喂!等埋!」遠處傳來一把熟識的男聲:「我嚟啦!」嘩!估唔到電視劇的老套情節竟然發生在本blog之中。Andy一邊揮手向五人大叫,一邊急步跑來,給五人這份大驚喜。六人相擁而笑。

原來Andy的工作需要經常到中國各省市公幹。他十天前去了陝西,而酒店的wifi貴太貴,而Andy無乜朋友,沒有上網毒癮,所以沒有check email

今天Andy中午回港,在陝西機場才checkemail,咁啱班內陸機飛又飛去深圳機場,Andy第一時間問自己:「去唔去好呢?」

在機艙內,Andy諗:「十年紀念好難得,今次錯過咗,就要再等十年後,十年期間,如果六人其中有人有乜冬瓜豆腐,就點追都追唔返,有啲嘢錯過咗,一世都再唔會再有second chance……好,一於去啦!」

上天都幫Andy,飛機沒有遇上空管delay,順利於黃昏抵達深圳機場,由於Andy曾經遺失手提電話,五人的聯絡電話早已失去,欲call無從,只好叫的士司機踩油快啲去世界之窗啦。

AndyBrenda那段puppy love,一早已經放下,並且淡忘。兩人見面沒有什麼尷尬,Calvin提醒大家:就快無太陽啦!六人立即擺出十年前的pose,趕得切來一張真真正正的歐遊十年紀念大合照。

兩張照片對比之下,六人的外表雖然成熟了、世故了,但六張忘懷的笑臉,卻十年不變。六人相約如果202469日仲未世界末日,就一於再度重遊這地。大家都應承會帶老公老婆仔女一起前來,嘩啦嘩啦,你一句,我一句,如像十年前一樣興高釆烈。




二少爺說︰齊哂腳才叫做「完美一天」。



6 則留言:

  1. 卡臣:

    感情完結,還可以在一起,真是很難得。

    回覆刪除
  2. 十年前、十年後,總算最後都齊腳喇。

    當人大咗,就會因為身邊好多嘅煩惱琑事而忘記當初心靈簡單嘅一面或變質,能夠再聚埋一齊做番十年前嘅一D事情,感覺真好。

    雖然現實好難做到,但從故事上睇到都感到欣慰。 :)

    回覆刪除
    回覆
    1. 係呀╴我現在計畫把十年前的相片找出來,找人找景重拍
      十年間,相中人和背後景物都變了,應該幾有趣

      刪除
    2. 如果可以嘅話,著番當年嘅衫,擺番當年嘅動作,咁就very good喇。 :)

      刪除
    3. 十伴前件衫...一係掉咗,一係肥咗唔啱著

      刪除

LinkWithin

Blog Widget by LinkWithin